ডিজিটেল ডেস্কঃ ভাৰতীয় দবা খেলুৱৈ বিশ্বনাথন আনন্দই নৰৱেৰ দবাৰ সপ্তম ৰাউণ্ডত বিশ্ব চেম্পিয়ন মেগনাছ কাৰ্লছনক পৰাস্ত কৰি ব্লিট্জ শাখাত চতুৰ্থ স্থান দখল কৰিছে। চতুৰ্থ ৰাউণ্ডত নেদাৰলেণ্ডৰ অনীশ গিৰি আৰু নৱম ৰাউণ্ডত ফ্ৰান্সৰ মেক্সিম ভেচিয়াৰ লেগ্ৰেভৰ হাতত পৰাস্ত হৈছিল আনন্দ। দহজনীয়া ব্লিট্জ শাখাত আনন্দই লাভ কৰে ৫ পইণ্ট।
বিশ্বনাথন আনন্দে নৰৱেৰ আৰিয়ান তাৰিক পৰাস্ত কৰি আৰম্ভণি কৰি দ্বিতীয় ৰাউণ্ডত ৱেছলী ছ’ৰ সৈতে ড্ৰ’ খেলে। তৃতীয় ৰাউণ্ডত তেওঁ বেচেলিন টোপালভক পৰাস্ত কৰাৰ বিপৰীতে টাইমুৰ ৰাজাবভৰ সৈতে খেল ড্ৰ’ হয়।
গিৰিৰ হাতত পৰাস্ত আৰু চীনৰ হাও ৱাঙৰ হাতত ড্ৰ’ খেলি কাৰ্লছনক পৰাস্ত কৰে যদিও তাৰ পিছত শ্বাখৰিয়াৰ মামেদিয়াৰোভৰ হাতত ড্ৰ’ কৰি লাগ্ৰেভৰ হাতত পৰাস্ত হয় বিশ্বনাথন আনন্দ।
Leave A Comment