টি২০ বিশ্বকাপঃ টকাৰ বিনিময়ত প্ৰাইভেট ডিনাৰ পাৰ্টিৰ আয়োজন! পুনৰ বিতৰ্কত পাকিস্তান ক্ৰিকেট দল

পাকিস্তানৰ প্ৰাক্তন অধিনায়ক ৰছিদ লতিফে এক অনুষ্ঠানত এই খবৰ দিয়ে। তাতে তেওঁ কয়- ''বিশ্বকাপ খেলি থাকোঁতে ক্ৰিকেটাৰসকলে আনুষ্ঠানিক ৰাতিৰ আহাৰত অংশগ্ৰহণ কৰিব পাৰে। কিন্তু ব্যক্তিগত ৰাতিৰ আহাৰ গ্ৰহণৰ আয়োজন কৰা হৈছে। তাত কোৱা হৈছে যে ২০০০ টকা দি ক্ৰিকেটাৰসকলক লগ কৰিব পাৰি। তেওঁলোকৰ লগত পৰিচয় হ’ব পাৰে। এইটো ঠিক নহয়। মানুহে ক’ব পাৰে, আমাৰ দলৰ ক্ৰিকেটাৰসকলে উপাৰ্জনৰ বাবেই এই কাম কৰিছে।’

লতিফে কয় - ''পাকিস্তানত ধনৰ বিনিময়ত ক্ৰিকেটাৰক লগ পোৱাৰ ঘটনা নতুন নহয়।’’ তেওঁ কয়, "মোক বহুতে কৈছে যে ইয়াত ক্ৰিকেটাৰ এজনক লগ পোৱাৰ কথা কওঁতে প্ৰথমে প্ৰশ্ন উত্থাপন হয় যে আপুনি কিমান টকা দিব পাৰে? আমাৰ সময় এনেকুৱা নাছিল। আমি যেতিয়া বিশ্বকাপ খেলিবলৈ গৈছিলো তেতিয়া আমি ২-৩ টা ৰাতিৰ আহাৰ খাবলৈ গৈছিলো। আটাইকেইটা চৰকাৰে আয়োজন কৰিছিল। এতিয়া তেনেকুৱা হোৱা নাই।"

লতিফে কয় - ''ক্ৰিকেটাৰসকলৰ ভাবমূৰ্তি আৰু বেয়া হৈ আহিছে। এই ঘটনাৰ লগত আৰ্থিক দিশ জড়িত হৈ আছে। কোনো সংগঠনে যদি ভাল কামৰ বাবে এনেদৰে ধন লৈছিল, মই বুজি পাম, তাত যোগদান কৰাটো মানৱীয় কৰ্তব্য। কিন্তু ইয়াত ইমানেই নহয়। পাকিস্তান ক্ৰিকেট আৰু সৰ্বোপৰি পাকিস্তানৰ সন্মান ইয়াৰ সৈতে জড়িত। কৰা উচিত নহয়।”

ইয়াৰ পূৰ্বে বিশ্বকাপ খেলি থাকোঁতে দলটোৰ ক্ৰিকেটাৰ আজম খানে টকাৰ বাণ্ডিলেৰে কপালৰ ঘাম মচি বিতৰ্কত লিপ্ত হৈছিল। কিছুদিন পূৰ্বে অধিনায়ক বাবৰ আজমে কাৰ্যক্ষেত্ৰত আজমৰ ওজনক লৈ ধেমালি কৰি বিতৰ্কক ইন্ধন যোগাইছিল। এইবাৰ তেওঁলোক আন এক বিতৰ্কৰ মাজত সোমাই পৰিল।