ডিজিটেল ডেস্ক: ভাৰতৰ আন এগৰাকী যুৱতীয়ে পাকিস্তানী ক্ৰিকেটাৰক বিয়া কৰাবলৈ ওলাইছে। যুৱতীগৰাকীৰ নাম পূজা বোমন । শেহতীয়াকৈ পূজাৰ আঙুঠি পিন্ধোৱা পৰ্ব অনুষ্ঠিত হয় পাকিস্তানী স্পিনাৰ হাছানৰ ৰাজা সৈতে। অহা বছৰৰ জানুৱাৰী-ফেব্ৰুৱাৰীত দুয়োৰে বিয়াৰ কথা আলোচনা হৈছে।
৩২ বছৰীয়া ৰাজা হাছানে ইনষ্টাগ্ৰাম পোষ্টত পূজাক আঙুঠি পিন্ধোৱাৰ ফটো শ্বেয়াৰ কৰিছে ৷ দুয়োজনে সাগৰৰ পাৰত ফটো তুলিছে । ৰাজাই ৰঙা ৰঙৰ চোলা পিন্ধিছে, আনহাতে পূজাক মটীয়া ৰঙৰ চুট পিন্ধি দেখা গৈছে। ৰাজাই চশমা পিন্ধিছে । দুয়োৰে মুখত হাঁহি আৰু পূজাৰ হাতত ধৰি ৰোমান্টিক ষ্টাইলত থিয় হৈ আছে ৰাজা।
ৰাজা হাছানে পোষ্টটোত লিখিছে, ‘মই ঘোষণা কৰি সুখী যে মোৰ এংগেজমেণ্ট হৈছে। মই মোৰ প্ৰয়সীক গোটেই জীৱন একেলগে কটাবলৈ অনুৰোধ কৰিলোঁ আৰু তেওঁ মান্তি হ’ল। আমাৰ নতুন যাত্ৰাৰ বাবে আমি উৎসাহিত হৈছো। মই পূজাক বিয়া কৰাবলৈ পাই অত্যন্ত সুখী।’ তেওঁ কয় যে ‘পূজাই হিন্দু ধৰ্মত বিশ্বাস কৰে, কিন্তু ইছলাম ধৰ্মৰ প্ৰতি অতি আগ্ৰহী আৰু ভৱিষ্যত স্বামীৰ বাবে ধৰ্ম সলনি কৰিবলৈ সাজু।’ ২০১৪ চনৰ অক্টোবৰ মাহত ৰাজাই এদিনীয়াত প্ৰথম খোজ দিয়ে , যিটো তেওঁৰ প্ৰথম আৰু শেষ এদিনীয়া হিচাপে প্ৰমাণিত হয়।
Leave A Comment