আই পি এলৰ নিলামত কোনো দলতে স্থান নাপালে পৃথ্বী শ্ব’ই; নেটিজেনৰ ট্ৰল’ৰ সন্মুখীন পৃথ্বী

বিনোদ কাম্ব্লেক হয়টো সকলোৰে মনত আছে৷ যি একেৰাহে দ্বৈত শতক অৰ্জন কৰিবলৈ সক্ষম হৈছিল৷ পাছলৈ এই প্ৰতিভাশালী খেলুৱৈ গৰাকী ভাৰতীয় দলৰ পৰা বাদ পৰিছিল। পৃথ্বীৰো সম্প্ৰতি একে দশা দেখিবলৈ পোৱা গৈছে৷

এইবাৰ আই পি এলত কোনো দলতে স্থান লাভ নকৰাৰ বাবে নেটিজেনৰ ট্ৰ’লৰ সন্মুখীন হোৱাৰ পাছত এক ভিডিঅ’ বাৰ্তাৰ জৰিয়তে নিৰৱতা ভংগ কৰিলে ক্ৰিকেটাৰ গৰাকীয়ে৷ তেওঁ কয় যে ‘কোনোবাই যেতিয়া মোক অনুসৰণ কৰি মোক ট্ৰ’ল কৰে, অৰ্থাৎ তেওঁলোকে গোপনে মোৰ ওপৰত চকু ৰাখে। ট্ৰলিং কৰাটো ৱেয়া যদিও, সম্পূৰ্ণ বেয়াও নহয়। সকলোৱে ট্ৰল হয়। কিন্তু মোৰ ওপৰত কৰা কৌতুকবোৰে কেতিয়াবা বহুত আঘাত দিয়ে বুলি উল্লেখ কৰে ৷ 

লগতে খেলুৱৈগৰাকীয়ে কয় যে ‘যেতিয়াই মোক বাহিৰত দেখা যায়, মানুহে কয় যে মই প্ৰেকটিছ কৰা নাই। কিন্তু মই নিজিৰ বাবে এটা দিনো পাৰ কৰিব নোৱাৰিম নেকি। জন্মদিন উদযাপন আছিল। মই মোৰ জন্মদিনো উদযাপন নকৰিম নেকি? কি ভুল কৰিলোঁ বুজি পোৱা নাই। ভুল হ’লে বেলেগ কথা আছিল। যদি কোনো ভুল নাই৷ সেটো বেয়া ধৰণে উপস্থাপন কৰাটো বেয়া কথা বুলি মন্তব্য কৰে৷’