মাৰাডোনাৰ জাৰ্ছীৰে মই বাচনো নোধোওঁ, 'হেণ্ড অৱ গড'ক অপমান ইংলেণ্ড ফুটবলাৰৰ

ডিজিটেল ডেস্কঃ আৰ্জেণ্টিনাৰ ফুটবল কিংবদন্তী ডিয়েগো মাৰাডোনাৰ মৃত্যু হৈছিল দুবছৰ পূৰ্বে। অসামান্য সাফল্যৰ বাবে ফুটবলৰ ইতিহাসৰ নজহা-নপমা এটা নাম মাৰাডোনা। ১৯৮৬ত অনুষ্ঠিত বিশ্বকাপত 'হেণ্ড অফ গড' নামেৰে খ্যাতি অৰ্জন কৰিছিল এইগৰাকী ফুটবলাৰে।  সেই বিশ্বকাপত ইংলেণ্ডৰ বিৰুদ্ধে দুটা গ'ল কৰা মাৰাডোনাৰ জাৰ্ছী নিলাম তোলা হৈছিল। সৰ্বাধিক ৭৭,৪৩,৯৪,৬৭২ টকাৰ অভিলেখ মূল্যত নিলাম হয় এই জাৰ্ছী। মাৰাডোনা আৰু জাৰ্ছীৰ নিলাম প্ৰসংগত ওলোটা খৰ পিটাৰ শিল্টনৰ।

আৰ্জেণ্টিনাৰ অন্তিম বিশ্বকাপ জয়ৰ ফাইনেলত শিল্টন ইংলেণ্ডৰ গ'ল ৰক্ষক আছিল। মাৰাডোনাই হাতেৰে কৰা গ'লৰ বাবে তেওঁ প্ৰায়ে সমালোচনা কৰা দেখা যায়। এইবাৰ মাৰাডোনাৰ জাৰ্ছীৰ নিলামৰ পিছত পুনৰ সৰব হৈ পৰা দেখা গৈছে।তেওঁ কয়, ‘মাৰাডোনাৰ জাৰ্ছী ইমান দামত ক্ৰয় কৰাটো দূৰৰ কথা। ঘৰৰ বাচনো চফা নকৰো।’ শিল্টনে মাৰাডোনাৰ এই কাৰ্যক সমালোচনাৰ দৃষ্টিৰে চালেও কিন্তু  ইংলেণ্ড দলৰ ফুটবলাৰ ষ্টিভ হজে মাৰাডোনাৰে জাৰ্ছীৰ সালসলনি কৰিছিল। এই কথাৰ সম্ভেদ পোৱা নাছিল শিল্টনে।

‘দ্য চান’ৰ সৈতে হোৱা এক সাক্ষাৎকাৰত শিল্টনে কয়, ‘সেইদিনা যি ঘটিছিল তাৰ পিছত, যিকোনো বিনিময়ত মাৰাডোনাৰ সৈতে জাৰ্ছী সলনি নকৰিলোহেঁতেন। মই ঘৰৰ কামটো এই জাৰ্ছী ব্যৱহাৰ কৰা নাছিলো। বাংলোৰ খিৰিকীও চফা কৰা নাছিলো। ষ্টিভে মাৰাডোনাৰ জাৰ্ছী অনা বুলি আমি জনাহেঁতেন ড্ৰেছিং ৰুমৰ পৰিস্থিতি বিষম ৰূপ ল’লেহেঁতেন। হজে জানিছিল যে যদি তেওঁ আমাক এই বিষয়ে জনোৱাহেঁতেন তেন্তে কি হ'লহেঁতেন। সেইবাবে তেওঁ এই কথা গোপনে ৰাখিছিল।

মাৰাডোনাৰ বিৰুদ্ধে ক্ষোভ থাকিলেও শিল্টন সুখী। প্ৰাক্তন সতীৰ্থই জাৰ্ছী বিক্ৰী কৰি বৃহৎ পৰিমাণৰ ধন লাভ কৰা কথাটোৱে সুখী কৰি তুলিছে শিল্টনক।  শিল্টনে কয়, ‘মই সুখী যে ইংলেণ্ডৰ কোনোবাই সেই খেলখনৰ পৰা কিবা এটা পাইছে। আমিয়েই শেষ হাঁহি মাৰিলো। বিশ্বকাপত প্ৰৱঞ্চনাৰ ভুক্তভোগী হোৱাৰ এয়া আদৰ্শগত বিচাৰ। এজন ফুটবলাৰে কৰা এইটো সৰ্বশ্ৰেষ্ঠ ব্যৱসায়। আমাৰ কোনেও কল্পনা কৰিব পৰা নাছিল যে, এটা জাৰ্ছীৰ মূল্য ইমান হ’ব পাৰে!’