কি ৰোগত ভুগিছে কাম্বলী ? চিকিৎসালয়ত ভৰ্তি হোৱাৰ পিছত বিনোদ কাম্বলীৰ প্ৰথম প্ৰতিক্ৰিয়া

শেহতীয়া এক সাক্ষাৎকাৰত কাম্বলীয়ে তেওঁৰ স্বাস্থ্যৰ বিষয়ে মুকলিকৈ ব্যক্ত কৰে । তেওঁ কয় যে, তেওঁৰ প্ৰস্ৰাৱৰ সংক্ৰমণ সম্পৰ্কীয় সমস্যা আছে যাৰ বাবে এতিয়ালৈকে তেওঁক তিনিবাৰ চিকিৎসালয়ত ভৰ্তি কৰিবলগীয়া হৈছে । কাম্বলীয়ে লগতে শ্বেয়াৰ কৰে যে, হঠাৎ তেওঁৰ মূৰ ঘূৰণি হৈ অচেতন হৈ পৰে ।

চিকিৎসালয়ত বিচনাত পৰি থকা অৱস্থাত বিনোদ কাম্বলীক হাঁহি থকা দেখা গৈছে। তেওঁ ক’লে যে মই ইয়াত চিকিৎসকৰ বাবেই জীয়াই আছো। মই মাত্ৰ ক’ম যে চিকিৎসকে মোক যি ক’ব, মই কৰিম। মানুহে গম পাব মই তেওঁলোকক কি শিকাম। শচীনৰ কথা কওঁতে তেওঁ ক’লে যে তেওঁ লণ্ডনলৈ গৈছে, কিন্তু তেওঁ গম পাব আৰু কেৱল আপোনালোকহে তেওঁক জনাব।

শনিবাৰে যেতিয়া বিনোদ কাম্বলীক চিকিৎসালয়ত ভৰ্তি কৰা হৈছিল। তেতিয়া তেওঁৰ শৰীৰত তীব্ৰ ক্ৰেম্প হৈছিল। বহিবলৈ বা খোজ কাঢ়িবও নোৱাৰিলে তেওঁ। এতিয়া তেওঁৰ আৰোগ্যৰ লক্ষণ দেখা গৈছে আৰু প্ৰাক্তন ক্ৰিকেটাৰগৰাকীয়ে চিকিৎসক আৰু তেওঁৰ অনুৰাগীৰ সৈতে কথা পতা দেখা গৈছে। তেওঁৰ এজন অনুৰাগীয়ে তেওঁৰ চিকিৎসাৰ খৰচ বহন কৰিছে।