পত্নী অনুষ্কাক লৈ ভাৰত এৰি যোৱাৰ পৰিকল্পনা বিৰাট কোহলীৰ

কোহলী আৰু অনুষ্কাক লণ্ডনলৈ স্থানান্তৰিত হোৱাৰ আলোচনা দীৰ্ঘদিন ধৰি চলি আহিছে। কিন্তু এই সন্দৰ্ভত কোনো আনুষ্ঠানিক তথ্য প্ৰকাশ কৰা হোৱা নাই। কিন্তু প্ৰথমবাৰৰ বাবে কোনোবাই এই সন্দৰ্ভত সদৰী কৰিছে। শেহতীয়াকৈ এক সাক্ষাৎকাৰত প্ৰশিক্ষক ৰাজকুমাৰ শৰ্মাই কয় যে বিৰাটে সন্তান আৰু পত্নী অনুষ্কাৰ সৈতে লণ্ডনলৈ স্থানান্তৰিত হোৱাৰ পৰিকল্পনা কৰিছে।

বিৰাট কোহলীৰ এখন ঘৰ দিল্লীত আছে। মুম্বাইতো তেওঁৰ ঘৰ আছে। তেওঁ মুম্বাইত এপাৰ্টমেণ্ট এটা কিনিছিল। ইয়াৰ সমান্তৰালকৈ আলিবাউগত এটা বাংলোও ক্ৰয় কৰে । বন্ধৰ দিনত এই ঘৰটোত থাকিবলৈ তেওঁ ক্ৰয় কৰিছিল। কিন্তু এতিয়া ভাৰত এৰি যোৱাৰ পৰিকল্পনা কৰিছে বিৰাটে। লণ্ডনত হ’ব বিৰাট কোহলীৰ নতুন ঘৰ। কিন্তু বিৰাটে এই সন্দৰ্ভত এতিয়াও কোনো তথ্য প্ৰকাশ কৰা নাই।

ব্যয়বহুল জীৱনশৈলীৰ বাবে বিৰাট বহু বাতৰিৰ শিৰোনামত প্ৰায়েই থাকে। কোহলীৰ মালিকানাধীন সকলো ঘৰ ব্যয়বহুল। সংবাদ মাধ্যমৰ অনুসৰি কোহলীৰ আটাইতকৈ দামী বাংলোটো গুৰুগ্ৰামত। কোহলী এই ঘৰটো DLF Phase-1 ত আছে, যাৰ আনুমানিক মূল্য ৮০ কোটি টকা। আনহাতে মুম্বাইৰ এপাৰ্টমেণ্টটোৰ দাম প্ৰায় ৩৪ কোটি টকা। আলিবাগ বাংলোৰ দাম প্ৰায় ১৯ কোটি টকা।