মহিলা টি-২০ বিশ্বকাপ ২০২৪ত নিউজিলেণ্ডৰ বিৰুদ্ধে পৰাস্ত ভাৰতীয় মহিলা দল

দৰাচলতে মহিলা টি-২০ বিশ্বকাপত ৰানৰ ক্ষেত্ৰত ভাৰতৰ আটাইতকৈ ডাঙৰ পৰাজয় আছিল অষ্ট্ৰেলিয়াৰ বিৰুদ্ধে। ২০২০ চনৰ ফাইনেলত অষ্ট্ৰেলিয়াই ভাৰতীয় দলক ৮৫ ৰানত পৰাস্ত কৰে। এতিয়া নিউজিলেণ্ডৰ বিৰুদ্ধে পৰাজয়ৰ সন্মুখীন হ’বলগীয়া হ’ল। এয়া আছিল দ্বিতীয় বৃহত্তম পৰাজয়। ২০০৯ চনত ট্ৰেণ্ট ব্ৰীজত অনুষ্ঠিত হোৱা খেলখনত টিম ইণ্ডিয়াই নিউজিলেণ্ডৰ হাতত ৫২ ৰানত পৰাস্ত হৈছিল। ভাৰতীয় দলৰ বাবে এইটো তৃতীয় বৃহৎ পৰাজয়।

ভাৰতৰ বিৰুদ্ধে প্ৰথম বেটিং কৰাৰ সময়ত নিউজিলেণ্ডে ১৬০ ৰান সংগ্ৰহ কৰে। এই সময়ছোৱাত অধিনায়ক ছফী ডেভিনে শক্তিশালী প্ৰদৰ্শন আগবঢ়ায়। তেওঁ ৫৭ ৰান সংগ্ৰহ কৰে। ইয়াৰ প্ৰতিক্ৰিয়া স্বৰূপে ১০২ ৰানৰ স্ক’ৰত অল আউট হয় ভাৰতীয় দল। ভাৰতৰ হৈ সৰ্বাধিক ১৫ ৰান সংগ্ৰহ কৰে অধিনায়ক হৰমনপ্ৰীতে। 

২০২৪ চনৰ মহিলা টি-২০ বিশ্বকাপত ভাৰতৰ পৰৱৰ্তী খেল হ’ব পাকিস্তানৰ বিৰুদ্ধে। দেওবাৰে সন্ধিয়া ডুবাইত অনুষ্ঠিত হ’ব এই খেলখন। এই খেলখনৰ বাবে ভাৰতীয় দলে কঠোৰ প্ৰস্তুতি চলাব লাগিব। ভাৰতৰ অন্তিমখন গ্ৰুপ মেচ অষ্ট্ৰেলিয়াৰ বিৰুদ্ধে। এই খেলখন ১৩ অক্টোবৰত শ্বাৰজাহত অনুষ্ঠিত হ’ব। বিশ্বকাপৰ চূড়ান্ত খেলখন অহা ২০ অক্টোবৰত অনুষ্ঠিত হ’ব।