দুঃখবৰঃ এছিয়ান গেমছত অংশগ্ৰহণ কৰিব নোৱাৰিব প্ৰসিদ্ধ ভাৰতীয় মল্লযুঁজাৰু বিনেশ ফোগাটে

মঙলবাৰে ভাৰতৰ তাৰকা মল্লযুঁজাৰু বিনেশ ফোগাটে এটা টুইট কৰে। এই টুইটত লিখিছে যে আঁঠুৰ আঘাতৰ বাবে এছিয়ান গেমছ ২০২৩ৰ পৰা আঁতৰি আছে। ইয়াৰ লগতে তেওঁ কয় যে ১৭ আগষ্টত আঁঠুৰ অস্ত্ৰোপচাৰ হ’ব। স্কেন কৰাৰ পিছত ডাক্তৰে কৈছে যে তেওঁৰ বাবে অস্ত্ৰোপচাৰ একমাত্ৰ বিকল্প। এই অস্ত্ৰোপচাৰ ১৭ আগষ্টত মুম্বাইত কৰা হ’ব। অৱশ্যে এছিয়ান গেমছৰ পৰা বিনেশ ফোগাটৰ বাদ পৰাটো ভাৰতৰ বাবে এক ডাঙৰ আঘাত বুলি বিবেচিত হৈছে। এছিয়ান গেমছত ভাৰতীয় অনুৰাগীয়ে বিনেশ ফোগাটৰ পৰা পদক আশা কৰিছিল যদিও এতিয়া খবৰ ওলাইছে যে তেওঁ এই প্ৰতিযোগিতাখনৰ অংশ নহ’ব।

বিনেশ ফোগাটে টুইটটোত কয় যে “১৭ আগষ্টত মুম্বাইত মোৰ অস্ত্ৰোপচাৰ হ’ব, ২০১৮ চনত জাকাৰ্টাত জয়ী হোৱা ভাৰতৰ হৈ এছিয়ান গেমছৰ স্বৰ্ণ পদক লাভ কৰাটো মোৰ সপোন আছিল।এইবাৰ আঘাতৰ বাবে মোৰ আশাত ডাঙৰ আঘাত পৰিছে। মই মোৰ কথাটো সংশ্লিষ্ট কৰ্তৃপক্ষক জনাইছো, যাতে ৰিজাৰ্ভ খেলুৱৈজনক এছিয়ান গেমছৰ বাবে পঠিয়াব পৰা যায়।”