ডিজিটেল ডেস্ক: ভাৰতৰ মাটিত তিনিখনীয়া টি-২০ ক্রিকেট শৃংখলা খেলিব বুলি বুধবাৰে হঠাৎ ঘোষণা কৰে আফগানিস্তান ক্রিকেট ব'র্ডে। ইয়াৰ ফলত ভাৰতীয় ক্রিকেট দলৰ বাংলাদেশ ভ্রমণ কাৰ্যতঃ বাতিল হয়। ভাৰত আৰু আফগানিস্তানৰ মাজৰ তিনিখনীয়া টি-২০ শৃংখলাৰ মেচসমূহ দিল্লীৰ অৰুণ জেটলি ষ্টেডিয়ামত ১৩, ১৫ আৰু ১৭ ছেপ্টেম্বৰত অনুষ্ঠিত হ'ব।
ইফালে, তিনিখন এদিনীয়া আৰু ৩খন টি-২০ মেচ খেলাৰ বাবে ভাৰতীয় দলটো ২৮ আগষ্টত বাংলাদেশলৈ যোৱাৰ কথা আছিল। এদিনীয়াৰ মেচ ১, ৩ আৰু ৬ ছেপ্টেম্বৰত আৰু টি-২০ৰ মেচ ৯, ১২ আৰু ১৩ ছেপ্টেম্বৰত অনুষ্ঠিত হোৱাৰ কথা। অর্থাৎ বাংলাদেশৰ বিৰুদ্ধে শেষ টি-২০ মেচ আৰু আফগানিস্তানৰ বিৰুদ্ধে এখন টি-২০ মেচ একেটা দিনতে অনুষ্ঠিত হ'ব। ইয়াৰ ফলত বাংলাদেশ ভ্ৰমণলৈ জটিলতাৰ সৃষ্টি হৈছে।
এই পৰিস্থিতিত বাংলাদেশ এতিয়াও আশাবাদী যে ভাৰতৰ বিৰুদ্ধে শৃংখলা আয়োজন কৰা সম্ভৱ হ'ব। উল্লেখযোগ্য যে ভাৰতে ২০২৫ চনৰ আগষ্টত বাংলাদেশত উক্ত শৃংখলা খেলাৰ কথা আছিল। কিন্তু বাংলাদেশৰ পৰিৱৰ্তিত ৰাজনৈতিক পৰিস্থিতি আৰু দুয়োখন দেশৰ মাজৰ ভূ-ৰাজনৈতিক উত্তেজনাৰ বাবে সেই শৃংখলা পিছুৱাই দিয়া হৈছিল।
উৎস: দৈনিক জনমভূমি
Continue Reading
