২খনকৈ চুৰি বাইকসহ ৪ কুখ্যাত বাইকচোৰক গ্ৰেপ্তাৰ গোৰেশ্বৰ আৰক্ষীৰ

ডিজিটেল ডেস্ক: গোৰেশ্বৰ আৰক্ষীৰ সফল অভিযান, ২খনকৈ চুৰি বাইকসহ গ্ৰেপ্তাৰ ৪ কুখ্যাত বাইকচোৰ। এক গোপন সূত্ৰৰ পম খেদি মেঘালয়ৰ ম’চুনগ্ৰামত গোৰেশ্বৰ থানাৰ ভাৰপ্ৰাপ্ত আৰক্ষী বিষয়া হিতেশ বসুমতাৰী আৰু সহঃ আৰক্ষী বিষয়া দীপক বাড়োৱাটিয়ে চলাইছিল অভিযান।

অভিযানত ২ খনকৈ চুৰি বাইক উদ্ধাৰ কৰিবলৈ সক্ষম হয় গোৰেশ্বৰ থানাৰ আৰক্ষীৰ দলটোৱে। বাইক চুৰি চক্ৰত জড়িত থকাৰ অভিযোগত আৰক্ষীয়ে আটক কৰিছে ৪ জন গভাইত চোৰক৷

ধৃত চোৰ কেইজন ক্ৰমে- সুকুমাৰ বড়ো( ৩৫), কৰন চুন্দি (২২),নিপু দাস (২৫),বাবু বসুমতাৰী (২৬)।

দীৰ্ঘদিন ধৰি গোৰেশ্বৰৰ বিভিন্ন স্থানত কুখ্যাত বাইক চোৰৰ চক্ৰটোৱে বাইকসমূহ চুৰি কৰি মেঘালয়ৰ ম’চুনগ্ৰাম সীমান্তত বিক্ৰী কৰি আহিছিল৷ মেঘালয় আৰক্ষীৰ সহযোগত গোৰেশ্বৰ আৰক্ষীয়ে এই অভিযান সফল হয়৷

ইতিমধ্যে ধৃত চোৰকেইজনক আজি গোৰেশ্বৰ থানালৈ আনি জেৰা অব্যাহত ৰাখিছে গোৰেশ্বৰ আৰক্ষীয়ে৷