ডিজিটেল ডেস্ক: শ্ৰীভূমি আৰক্ষী, কাছাৰ আৰক্ষী আৰু ৩৮ আছাম ৰাইফলছৰ যৌথ অভিযানত সোমবাৰে কাছাৰৰ বদৰপুৰ ঘাটত জব্দ কৰা হয় বৃহৎ পৰিমাণৰ নিষিদ্ধ দ্ৰব্য।
সোমবাৰে পুৱা গোপন সূত্ৰৰ পৰা লাভ কৰা তথ্যৰ ভিত্তিত চলোৱা অভিযানত এখন বলেৰো গাড়ীৰ ফিউৱেল টেংকৰৰ গোপন চেম্বাৰৰ পৰা ৮.২২৪ কিলোগ্ৰাম ড্ৰাগছ জব্দ কৰা হয়।
অভিযানৰ সময়ত পাঁচগ্ৰামৰ বাসিন্দা দোলা ৰাজা নামৰ এজন লোকক গ্ৰেপ্তাৰ কৰা হয়। অভিযানৰ সময়ত ঘটনাস্থলীত উপস্থিত আছিল শ্ৰীভূমি জিলাৰ SSP লীনা দলে, দুয়োখন জিলাৰ আৰক্ষী বিষয়া আৰু ৩৮ আছাম ৰাইফলছৰ বিষয়াসকল। SSP লীনা দলেই জানিবলৈ দিয়ে যে জব্দ কৰা ড্ৰাগছৰ আনুমানিক বজাৰ মূল্য প্ৰায় ১৩ কোটি টকা।
ঘটনাক কেন্দ্ৰ কৰি ড্ৰাগছ সৰবৰাহৰ নেটৱৰ্কৰ সন্ধানত তদন্ত আৰম্ভ কৰিছে আৰক্ষীয়ে।
Continue Reading
