ডিজিটেল ডেস্কঃ গোৰেশ্বৰ হাজালপাৰাৰত এগৰাকী মহিলা সন্ধানহীন হোৱা ঘটনাত তীব্ৰ চাঞ্চল্য বিৰাজ কৰিছে। সন্ধানহীন মহিলাগৰাকী তিনিটা সন্তানৰ মাতৃ৷
বৃহস্পতিবাৰে ৰাতিপুৱা ৯.৩০ বজাত ঘৰৰ পৰা গোৰেশ্বৰৰ বেংকলৈ আহিম বুলি ওলাই আহিছিল মহিলাগৰাকী। তেতিয়াৰে পৰা কোনো সন্ধান নাই মহিলাগৰাকীৰ। তেওঁৰ মোবাইল ফোনো ছুইটছ অফ হৈ আছে।
সন্ধানহীন মহিলাগৰাকী হাজালপাৰা গাঁৱৰ বিনীতা ৰাজবংশী। মহিলাগৰাকীৰ স্বামী কৰ্মসূত্ৰে থাকে অসমৰ বাহিৰত। মাতৃ সন্ধানহীন হোৱাত কান্দি কান্দি চকুৰে বাট নেদেখা হৈছে সন্তানকেইটিয়ে।
কান্দি কান্দি পৰিয়ালৰ তিনি সন্তানে এতিয়া মাতৃৰ সন্ধান বিচাৰি উলিয়াবলৈ ৰাইজক কৰিছে কাকূতি-মিনতি৷
মহিলাগৰাকীৰ সন্ধানহীন সন্দৰ্ভত গোৰেশ্বৰ আৰক্ষী থানাত এজাহাৰ দিছে পৰিয়ালৰ লোকে।
কোনোলোকে মহিলাগৰাকীৰ সম্ভেদ পালে ওচৰৰ আৰক্ষী চকী অথবা পৰিয়ালৰ 7418896820 নম্বৰত যোগাযোগ কৰিবলৈ জনাইছে আহ্বান।
Continue Reading
