ডিজিটেল ডেস্ক: খাদ্যৰ সোৱাদ আৰু সুগন্ধি বৃদ্ধি কৰিবলৈ ব্যৱহাৰ কৰা লং কেৱল এবিধ মছলাই নহয়, ইয়াত থকা বিভিন্ন সক্ৰিয় উপাদানৰ বাবে ই স্বাস্থ্যৰ বাবেও বৰ উপকাৰী। লঙত প্ৰধানকৈ ইউজেনল (Eugenol) নামৰ যৌগ থাকে, যাৰ এণ্টিঅক্সিডেণ্ট, এণ্টিমাইক্ৰ’বিয়েল আৰু প্ৰদাহ-প্ৰতিৰোধী গুণৰ কথা বিভিন্ন গৱেষণাত উল্লেখ কৰা হৈছে।
লঙৰ উপকাৰিতা
দাঁতৰ বিষত উপশম: বিষ হোৱা দাঁতৰ ওচৰত লং কিছু সময় ৰাখিলে ইউজেনলৰ বাবে সাময়িকভাৱে অৱশ অনুভূতি সৃষ্টি হৈ বিষ কিছু কমিব পাৰে।
মুখৰ দুৰ্গন্ধ দূৰ কৰা: লঙে মুখৰ কিছুমান ক্ষতিকাৰক বেক্টেৰিয়াৰ বিৰুদ্ধে কাম কৰাত সহায় কৰিব পাৰে আৰু মুখত সতেজতা আনিব পাৰে। মুখৰ দুৰ্গন্ধ দূৰ কৰাত লঙে সহায় কৰে।
এণ্টিঅক্সিডেণ্ট গুণ: ইয়াৰ এণ্টিঅক্সিডেণ্ট গুণ আছে। লঙত থকা ইউজেনল আৰু অন্যান্য উদ্ভিদজাত যৌগে শৰীৰত oxidative stress-ৰ বিৰুদ্ধে কাম কৰিব পৰা ক্ষমতা আছে।
প্ৰদাহ কমোৱাত সম্ভাৱ্য ভূমিকা: গৱেষণাত ইউজেনলৰ anti-inflammatory অৰ্থাৎ প্ৰদাহ-প্ৰতিৰোধী গুণৰ কথাও পোৱা গৈছে। এই কাৰণতে লঙক পৰম্পৰাগতভাৱে বিভিন্ন স্বাস্থ্য সমস্যাত ব্যৱহাৰ কৰা হয়।
হজম শক্তি উন্নত কৰাত সহায়: পৰম্পৰাগত চিকিৎসা পদ্ধতিত লং পেটৰ অস্বস্তি, বমি আদি সমস্যাত ব্যৱহাৰ কৰা হয়। লং খোৱাৰ ফলত লেলাউটিৰ নিঃসৰণ বৃদ্ধি পাব পাৰে, যিয়ে খাদ্য হজমৰ প্ৰাথমিক প্ৰক্ৰিয়াত সহায় কৰে।
ডিঙিৰ খচখচনি আৰু কাহত সহায়ক: লং চুপি থাকিলে ডিঙিৰ খচখচনি বা অস্বস্তিত সাময়িক আৰাম পোৱা যাব পাৰে।
ইতিবাচক শক্তিৰ বিশ্বাস
জ্যোতিষ আৰু পৰম্পৰাগত বিশ্বাসত ঘৰৰ পৰা ওলাই যাওঁতে মুখত লং ৰখাটো শুভ বুলি কোৱা হয়। অৱশ্যে ইয়াৰ কোনো বৈজ্ঞানিক প্ৰমাণ নাই।
সাৱধানতাও জৰুৰী
বিশেষজ্ঞসকলৰ মতে, লংক দৈনন্দিন খাদ্যৰ অংশ হিচাপে সীমিত পৰিমাণত ব্যৱহাৰ কৰাটো উপযুক্ত; কিন্তু কোনো নিৰ্দিষ্ট ৰোগৰ চিকিৎসাৰ বাবে লং বা লং তেল ব্যৱহাৰ কৰাৰ পূৰ্বে চিকিৎসকৰ পৰামৰ্শ লোৱাটো উচিত।
Continue Reading
