ডিজিটেল ডেস্ক: নাভিৰ ওপৰত তেল লগোৱাৰ বহুতো লাভালাভ আছে যিবোৰৰ বিষয়ে বহুত মানুহেই নাজানে। আয়ুৰ্বেদৰ মতে, জীৱনৰ উৎপত্তি নাভিৰ পৰা হয় কাৰণ ই মাতৃ আৰু গৰ্ভত থকা ভ্ৰূণৰ মাজৰ সংযোগ। ইয়াৰোপৰি, নাভি হৈছে শৰীৰৰ বিভিন্ন অংগলৈ যোৱা কেইবাটাও স্নায়ুৰ সংযোগস্থল।
সেইবাবেই আয়ুৰ্বেদত কোৱা হৈছে যে নাভি পৰিষ্কাৰ কৰি তাত তেল লগালে বহুতো স্বাস্থ্যজনিত লাভালাভ পোৱা যায়। লগতে, নাভিত প্ৰচুৰ পৰিমাণে শক্তিশালী শক্তি সঞ্চিত হৈ থাকে আৰু প্ৰাপ্তবয়স্ক অৱস্থাত ই শক্তিশালী কেন্দ্ৰ হিচাপে কাম কৰে।
নাভি শৰীৰৰ এটা গুৰুত্বপূৰ্ণ অংগ যাক শৰীৰৰ আন অংগবোৰৰ দৰে ঠিকভাৱে পৰিষ্কাৰ কৰাৰ প্ৰয়োজন হয়। নাভি পৰিষ্কাৰ আৰু শুকান কৰি ৰখাটো অতি প্ৰয়োজনীয়। নহ’লে ই বেক্টেৰিয়া আৰু ভেঁকুৰ বিয়পোৱাৰ উপযুক্ত স্থান হৈ পৰিব পাৰে। ইয়াৰ ফলত বহুতো সংক্ৰমণ হ’ব পাৰে, যাৰ কিছুমান শৰীৰৰ আন অংশলৈ বিয়পি পৰাৰ সম্ভাৱনা থাকে।
নাভিত তেল লগোৱাৰ লাভালাভ
পেটৰ আমনি দূৰ কৰে: প্ৰয়োজনীয় তেল লগাই আপুনি বমিভাৱ, পেট ফুলা, পেটৰ বিষ, খাদ্য বিষক্ৰিয়া, ডায়েৰীয়া আৰু বদহজমৰ লক্ষণ নিৰাময় কৰিব পাৰে।
Periodsৰ সময়ত হোৱা বিষ কম কৰে: নাভিত তেল লগাই মাহেকীয়াৰ বিষৰ পৰা সকাহ পাব পাৰি।
প্ৰজনন ক্ষমতা (Fertility) বৃদ্ধি কৰে: গৰ্ভধাৰণৰ লগত নাভিৰ গভীৰ সম্পৰ্ক আছে কাৰণ ই মাতৃ আৰু সন্তানৰ মাজৰ সংযোগ। তেলএক প্ৰাকৃতিক ঔষধো যি প্ৰজনন ক্ষমতা বৃদ্ধি কৰিব পাৰে। ডিম্বৰ গুণগত মান বৃদ্ধি কৰিবলৈ আৰু জৰায়ুক পুষ্টি যোগান ধৰিবলৈ পেটত তেল লগাওক।
শৰীৰৰ চক্ৰসমূহৰ সামঞ্জস্য: আয়ুৰ্বেদত নাভিক শক্তিৰ কেন্দ্ৰ বুলি গণ্য কৰা হয়। সেয়েহে নাভি চক্ৰক সন্তুলিত কৰিলে জীৱনৰ সকলো ক্ষেত্ৰতে ভাৰসাম্য বৰ্তাই ৰখাত সহায় হয়।
ছালৰ স্বাস্থ্য উন্নত কৰে: নাভি বহুতো গুৰুত্বপূৰ্ণ ৰক্তনালীৰ সৈতে সংযুক্ত হৈ থাকে। এই স্থানত তেল মালিচ কৰিলে ছালত তেজৰ সোঁত বৃদ্ধি পায়, গুৰুত্বপূৰ্ণ পুষ্টিকৰ উপাদান যোগান ধৰে আৰু ছালৰ স্বাস্থ্য উন্নত হয়।
ৰোগ প্ৰতিৰোধ ক্ষমতা শক্তিশালী কৰে: নাভিত বহুতো গুৰুত্বপূৰ্ণ স্নায়ু আৰু ধমনী থাকে। সেয়েহে এই স্থানত তেল মালিচ কৰিলে ৰোগ প্ৰতিৰোধ ক্ষমতা শক্তিশালী হ'ব পাৰে।
উদ্বেগ আৰু মানসিক হেঁচা কম কৰে: তেল লগালে মন শান্ত কৰাত আৰু মানসিক হেঁচা তথা উদ্বেগ হ্ৰাস কৰাত সহায়ক হয়।
নিদ্ৰাহীনতা দূৰ কৰে: তেল দি নাভি মালিচ কৰিলে হৰম’ন নিৰ্গত হয় যি বিশ্ৰাম আৰু টোপনি বঢ়ায় আৰু নিদ্ৰাহীনতা কম কৰাত সহায় কৰে।
চুলিৰ বৃদ্ধি খৰটকীয়া কৰে: নাভিৰ কাষৰ অংশত তেল লগালেও চুলিৰ বৃদ্ধি খৰটকীয়া কৰাত সহায়ক হ’ব পাৰে।
পাচনত সহায় কৰে: পাচন ক্ৰিয়াৰ উন্নতি সাধন কৰাটো নাভিত তেল লগোৱাৰ অন্যতম প্ৰাথমিক লাভালাভ। তেল লগাই কোষ্ঠকাঠিন্যৰ পৰা সকাহ পাব পাৰি।
গতিকে ৰাতি শুবলৈ বিচনালৈ যোৱাৰ আগত নাভিত তেল লগোৱাৰ অভ্যাস গঢ়ি তোলক।
Continue Reading
