পুৱা খালী ভৰিৰে ঘাঁহত খোজ কাঢ়িলে আপুনি পাব শাৰীৰিক আৰু মানসিক লাভালাভ

ডিজিটেল ডেস্ক: পুৱা খালী ভৰিৰে ঘাঁহনিত খোজ কাঢ়িলে শৰীৰে বহু উপকাৰিতা লাভ কৰে। বহু লোকে পুৱা ঘাঁহনিত খালী ভৰিৰে খোজ কাঢ়ি ভাল পায়। পুৱা সোনকালে ঘাঁহত খালী ভৰিৰে খোজ কাঢ়িলে শৰীৰৰ বাবে অতিকৈ উপকাৰী হ’ব পাৰে বুলি বিশ্বাস কৰা হয়। চিকিৎসকৰ মতে, ঘাঁহৰ ওপৰত খালী ভৰিৰে খোজ কঢ়াক আৰ্থিং বা গ্ৰাউণ্ডিং বোলা হয়।

বহু গৱেষণাত দেখা গৈছে যে এইটো স্বাস্থ্যৰ বাবে উপকাৰী। বিশেষজ্ঞৰ মতে, প্ৰতিদিনে পুৱা ১০ৰ পৰা পৰা ৩০ মিনিট সময় খোজ কাঢ়িব লাগে। ঠাইখিনি পৰিষ্কাৰ আৰু ঘাঁহ ভাল হ’লে কেইমিনিটমান খালী ভৰিৰে খোজ কাঢ়িব লাগে। নিয়ৰত তিতি থকা ঘাঁহনিত খোজ কাঢ়িলে শৰীৰৰ লগতে মনটোৱেও বৰ আৰাম পায়। 

শাৰীৰিক লাভালাভ

১) স্নায়ু সক্ৰিয় কৰে: ভৰিৰ তলুৱাত থকা প্ৰেছাৰ পইণ্টসমূহত ঘাঁহৰ কোমল স্পৰ্শই চাপ পেলাই শৰীৰৰ আভ্যন্তৰীণ অংগবোৰ সক্ৰিয় কৰে।

২) দৃষ্টিশক্তি উন্নত কৰে: ভৰিৰ তলুৱাৰ নিৰ্দিষ্ট স্নায়ুত পৰা চাপে চকুৰ কাৰ্যক্ষমতা বঢ়োৱাত সহায় কৰে বুলি বিশ্বাস কৰা হয়।

৩) পেশী শক্তিশালী কৰে: খালী ভৰিৰে ঘাঁহনিত খোজকাঢ়িলে গোৰোহা, লিগামেণ্ট আৰু ভৰিৰ পেশীসমূহ শক্তিশালী হয়।

৪) প্ৰদাহ হ্ৰাস: মাটিৰ সংস্পৰ্শত আহিলে মানুহৰ শৰীৰৰ প্ৰদাহ হ্ৰাস পোৱাৰ লগতে ফ্ৰী ৰেডিকেলৰ বিপজ্জনক প্ৰভাৱ ৰোধ কৰিব পৰা যায়। ঘাঁহনিত খালী খালী ভৰিৰে খোজ কাঢ়িলে অন্য বহু ৰোগৰ পৰা ৰক্ষা পৰা যায়।

৫) হৃদযন্ত্ৰৰ ক্ৰিয়া উন্নত: ঘাঁহৰ ওপৰত খালী ভৰিৰে খোজ কাঢ়িলে হৃদযন্ত্ৰৰ ক্ৰিয়া উন্নত কৰিব পাৰি। ঘাঁহনিত খালী ভৰিৰে খোজ কাঢ়িলে হাৰ্ট এটেক আৰু ষ্ট্ৰোকৰ সম্ভাৱনাও বহু পৰিমাণে হ্ৰাস পায়।

মানসিক লাভালাভ

১) উদ্বেগ হ্ৰাস: ঘাঁহনিত খালী ভৰিৰে খোজ কাঢ়িলে মানসিক চাপ আৰু উদ্বেগ হ্ৰাস পাব পাৰে। আৰু ইয়াৰ ফলত শাৰীৰিক স্বাস্থ্যৰ লগতে মানসিক স্বাস্থ্যও উন্নত হয়।

২) মন ভালে থাকে: মাটিত খালী ভৰিৰে খোজ কাঢ়িলে মন ভালে থাকে। শৰীৰত ষ্ট্ৰেছ হৰম’ন কৰ্টিছলৰ মাত্ৰা হ্ৰাস কৰাতো সহায় কৰে। ভৰিৰ তলত যেতিয়া কোমল আৰু শীতল ঘাঁহনি খিনি লাগে, তেতিয়া মন শান্ত হৈ অত্যন্ত আৰাম অনুভৱ কৰা যায়।

৩) মানসিক চাপ কমায়: প্ৰকৃতিৰ কোলাত আৰু কেঁচা ঘাঁহত খোজ কাঢ়িলে মনৰ উদ্বেগ আৰু ক্লান্তি দূৰ হয়।

৪) সতেজ অনুভৱ: পুৱাৰ সতেজ বতাহ আৰু নিয়ৰভেদী পৰিৱেশে সমগ্ৰ দিনটোৰ বাবে শক্তি আৰু প্ৰশান্তি যোগায়।