এমাহত ভাৰতৰ বাণিজ্যিক ঘাটি ১৫৫ কোটি ডলাৰ বৃদ্ধি; ৰপ্তানিতকৈ বাঢ়িছে আমদানিৰ পৰিমাণ

ডিজিটেল ডেস্ক : দিনকদিনে বৃদ্ধি পাইছে দেশৰ বাণিজ্যিক ঘাটি। চলিত বৰ্ষৰ জুনত ভাৰতৰ বাণিজ্যিক ঘাটিৰ পৰিমাণ আছিল ৩০.৪৩ বিলিয়ন (৩,০৪৩ ডলাৰ) মার্কিন ডলাৰ। কিন্তু জুলাইত এই ঘাটিৰ পৰিমাণ ৩১.৯৮ বিলিয়ন ডলাৰলৈ (৩,১৯৮ কোটি ডলাৰ) বৃদ্ধি পালে। অৰ্থাৎ মাত্র এমাহৰ ভিতৰত দেশৰ সামগ্ৰীৰ বাণিজ্যিক ঘাটি ১.৫৫ বিলিয়ন ডলাৰ (১৫৫ কোটি ডলাৰ) বৃদ্ধি হ'ল। 

সংবাদ প্রতিষ্ঠান ৰয়টাছে চলোৱা সমীক্ষাত এই তথ্য প্রকাশ পাইছে। কেইবাটাও আন্তঃৰাষ্ট্ৰীয় ঘটনা প্ৰৱাহে ভাৰতৰ বাণিজ্যিক ঘাটি বৃদ্ধিত অৰিহণা যোগাইছে। ইয়াৰ ভিতৰত মধ্যপ্রাচ্যৰ যুদ্ধ পৰিস্থিতিৰ ফলত সাগৰীয় পথ বন্ধ হৈ থকাটোও অন্যতম। 

তথ্য অনুসৰি, জুলাইত ভাৰতৰ বাণিজ্যিক ৰপ্তানি ৪৪.২৪ বিলিয়ন ডলাৰ হয়গৈ। যিটো জুনত ৪০.৪১ বিলিয়ন ডলাৰহে আছিল। ইফালে ভাৰতৰ আমদানিও জুনতকৈ জুলাইত ৫.৩৮ বিলিয়ন ডলাৰ বৃদ্ধি পায়। যাৰ ফলত ৰপ্তানি বৃদ্ধি হ'লেও বাণিজ্যিক ঘাটি হ্রাস পোৱা নাই।

উৎস: দৈনিক জনমভূমি