ডিজিটেল ডেস্ক: জাগীৰোডৰ ভোমোৰাগুৰিত সংঘটিত হৈছে এক ভয়ংকৰ পথ দুৰ্ঘটনা৷ দুৰ্ঘটনাত থিতাতে নিহত হয় এহাল যুৱক-যুৱতী৷
জানিব পৰা মতে জাগীৰোডৰ পৰা গুৱাহাটী অভিমুখী AS-01GG-8864 নম্বৰৰ মটৰচাইকেলৰ আৰোহী আছিল দুয়ো৷
নিয়ন্ত্ৰণ হেৰুৱাই ২৭ নং ৰাষ্ট্ৰীয় ঘাইপথৰ বিপৰীত দিশেৰে আহি থকা AS-05AC-6487 নম্বৰৰ অক্সিজেন চিলিণ্ডাৰ কঢ়িওৱা এখন ট্ৰাকৰ তলত সোমাই পৰে মটৰচাইকেলখন৷
থিতাতে নিহত যুৱকজন গুৱাহাটী মালিগাঁৱৰ ২৬ বছৰীয়া ৰূপজ্যোতি নাথ৷ আনহাতে নিহত যুৱতীগৰাকী শোণিতপুৰ লালমাটিৰ প্ৰায় ২৪ বছৰীয়া সোমাংগী বৰা৷ ঘটনাস্থলীত জাগীৰোড আৰক্ষী উপস্থিত হৈ মৃতদেহ মৰণোত্তৰ পৰীক্ষাৰ বাবে মৰিগাঁৱলৈ প্ৰেৰণ কৰে।
Continue Reading
