ডিজিটেল ডেস্ক: যোৰহাটত সংঘটিত হৈছে এক কৰুণ ঘটনা। যোৰহাট নগৰৰ ডিচিবি পথৰ কাষৰ গছসমূহত আশ্ৰয় লৈ থকা জাক জাক শামুকভঙা চৰাইৰ জীৱনলৈ নামি আহিল কাল অমানিশা।
দেওবাৰে নিশা অহা প্ৰচণ্ড ধুমুহাৰ ফলত সৰ্বমুঠ ৬২টা শামুকভঙা চৰাইৰ ঘটনাস্থলীতে মৃত্যু হয়। ইয়াৰোপৰি আন ৬৮টা চৰাই গুৰুতৰভাৱে আঘাতপ্ৰাপ্ত হয়। আন দিনাৰ দৰেই পথৰ কাষৰ গছকেইজোপাত আশ্ৰয় লৈ আছিল চৰাইকেইটাই।
বৰ্তমান মৃত আৰু জীৱিত চৰাইসমূহ যোৰহাট আঞ্চলিক বন বিষয়া কাৰ্যালয়ত ৰখা হৈছে। প্ৰশাসন আৰু বন বিভাগৰ সহযোগত আঘাতপ্ৰাপ্ত চৰাইখিনিক উন্নত চিকিৎসাৰ বাবে কাজিৰঙাৰ পানবাৰীস্থিত বন্যপ্ৰাণী উদ্ধাৰ কেন্দ্ৰলৈ লৈ যোৱাৰ ব্যৱস্থা কৰা হৈছে। এই মৰ্মান্তিক ঘটনাই সমগ্ৰ যোৰহাট চহৰত শোকৰ ছাঁ পেলাইছে।
ঘটনাটোৱে প্ৰকৃতিপ্ৰেমী তথা পক্ষীবিদসকলক গভীৰভাৱে মৰ্মাহত কৰি তুলিছে। বন বিভাগ তথা স্থানীয় লোকসকলৰ সহযোগত আঘাতপ্ৰাপ্ত চৰাইসমূহক উদ্ধাৰ কৰি চিকিৎসা প্ৰদানৰ ব্যৱস্থা কৰা হৈছে।
Continue Reading
