ডিজিটেল ডেস্ক: নেপালৰ বিধ্বংসী বানত নিহত ভাৰতীয় আৰু ভাৰতীয় মূলৰ লোকসকলক চিনাক্তকৰণৰ বাবে কেন্দ্ৰীয় চৰকাৰে ব্যৱস্থা গ্রহণ কৰিছে। নতুন দিল্লীৰ নিৰ্দেশক্রমে নেপালস্থিত ভাৰতীয় দূতাৱাসে এই বিষয়ত পর্যায়ক্রমে কাম আগবঢ়াইছে।
বিদেশ মন্ত্ৰ্যালয়ৰ তথ্য অনুসৰি, নেপালৰ প্ৰাকৃতিক দুর্যোগত বর্তমানো ২৭৫জন ভাৰতীয় আৰু ১২৮জন ভাৰতীয় মূলৰ লোক সন্ধানহীন হৈ আছে। ইয়াৰে বেছিভাগেই কৈলাস-মানস সৰোবৰলৈ যোৱা তীর্থযাত্রী আছিল। ইতিমধ্যে নেপালৰ সকলো মৰ্গ মৃতদেহেৰে ভৰি পৰিছে। যাৰ ফলত দেশখনে দাবীবিহীন অচিনাক্ত মৃতদেহসমূহ সৎকাৰৰ সিদ্ধান্ত লৈছে।
কেৱল ডি এন এৰ জৰিয়তেহে পৰিয়ালৰ লোকে ব্যক্তিজনৰ বিষয়ে জানিব পাৰিব। এনে সময়তে নেপালৰ ভাৰতীয় দূতাৱাসে ভাৰতীয় পৰিয়ালসমূহক তেওঁলোকৰ আপোনজনৰ মৃতদেহ চিনাক্তকৰণৰ ক্ষেত্রত বিভিন্ন ফটোগ্রাফ, ডি এন এ, প'ষ্ট মর্টেম ৰিপ'ৰ্ট, পাৱাৰ পইণ্ট প্রেজেণ্টেশ্বনৰ জৰিয়তে পৰ্যায়ক্রমে সহায় আগবঢ়াইছে। উৎস: দৈনিক জনমভূমি
Continue Reading
