ডিজিটেল ডেস্ক: নেপালৰ জলপ্ৰলয়ৰ মাজৰ পৰা সোঁ-শৰীৰে নিজ ঘৰত আহি উপস্থিত হৈছে ডবকাৰ গৌতম দাস। ভয়ংকৰ অভিজ্ঞতা বৰ্ণনা কৰিলে প্ৰাগ নিউজৰ আগত। তেওঁৰ মতে, জলপ্ৰলয়ত ত্ৰিশূলী অঞ্চলৰ বিস্তীৰ্ণ জনবসতি সম্পূৰ্ণৰূপে ধ্বংস হৈ গৈছে।
বহু ঘৰ-দুৱাৰৰ কোনো চিন-চাপ নাই, আনকি বহু লোক মাটিৰ তলত পুতি যোৱাৰ আশংকা প্ৰকাশ কৰিছে তেওঁ।চৰকাৰীভাৱে যিমান লোক সন্ধানহীন বুলি কোৱা হৈছে, প্ৰকৃত সংখ্যা তাতকৈ কেবা হেজাৰ বেছি।
গৌতম দাস সহ প্ৰায় এশগৰাকী লোক দুদিন পাহাৰৰ শীৰ্ষত আবদ্ধ হৈ আছিল। অনাহাৰে আৰু ধাৰাসাৰ বৰষুণৰ মাজত থাকিবলগীয়া হৈছিল। দুদিন পিছত নেপাল সেনাবাহিনীৰ হেলিকপ্টাৰে উদ্ধাৰ কৰিছিল।
অসম চৰকাৰৰ তৎপৰতাত অৱশেষত ঘৰলৈ উভতি আহিল গৌতম দাস। কিন্তু ত্ৰিশূলী অঞ্চলত এতিয়াও বহু লোক সন্ধানহীন হৈ থকাৰ কথা প্ৰকাশ কৰে গৌতমে।
Continue Reading
