ডিজিটেল ডেস্ক: শোণিতপুৰৰ ৰঙাপৰাৰ নামগাঁও চাহবাগিছাত বনৰীয়া হাতীৰ উপদ্ৰৱে নিদ্ৰা হৰণ কৰিছে ৰাইজৰ। বনৰীয়া হাতীৰ সন্ত্ৰাসত দিকবিদিক হেৰুৱাইছে জনসাধাৰণে।
নিশা খাদ্যৰ সন্ধানত বনাঞ্চলৰ পৰা ওলায় অহা দুটা বনৰীয়া হাতীয়ে নামগাঁও চাহবাগিছাৰ ১৮ নং লাইনত প্ৰৱেশ কৰি মনোজ দাস নামৰ ব্যক্তিজনৰ বাসগৃহ ভাঙি লণ্ডভণ্ড কৰে।
গৃহস্থ শুই থকাৰ সময়তে হঠাৎ বনৰীয়া হাতীয়ে ঘৰৰ দেৱাল ভাঙি দিয়াত দেৱালৰ ইটা পৰি শুই থকা ৰাধা কিশান আৰু ৪ বছৰীয়া কন্যা সন্তান প্ৰতিমা দাস গুৰুতৰভাৱে আহত হয়।
পাছত ৰাইজে কোনোমতে হাতী কেইটা খেদি পথাবলৈ সক্ষম হয়।
Continue Reading
