ডিজিটেল ডেস্ক: হৰমুজ প্রণালী পাৰ হোৱাৰ ক্ষেত্ৰত থকা সকলো প্রতিবন্ধকতা শীঘ্ৰেই দূৰ হ'ব। ইৰান আৰু ওমানে বিশ্ব বাণিজ্যৰ অন্যতম গুৰুত্বপূৰ্ণ পথটো মুকলি কৰি দিয়াৰ সন্দৰ্ভত শীঘ্রেই এখন চুক্তিত স্বাক্ষৰ কৰিব। ইৰানৰ বিদেশ মন্ত্ৰ্যালয়ৰ মুখপাত্র ইছমাইল বাঘাইয়ে বুধবাৰে তেনে এটা ইংগিতেই দিয়ে।
ইতিমধ্যে হৰমুজ প্রণালীৰে বাণিজ্যিক পথ মুকলি কৰা সন্দৰ্ভত ইৰান আৰু ওমানৰ বুজাবুজি হৈছে আৰু শীঘ্ৰেই দুয়ো দেশে যুটীয়াভাৱে এই কথা ঘোষণা কৰিব। উল্লেখযোগ্য যে পাৰস্য উপসাগৰ আৰু ওমান উপসাগৰক সংযোগ কৰা হৰমুজ প্রণালীৰে বিশ্বৰ তেল আৰু গেছ পৰিবাহী বৃহৎ সংখ্যক জাহাজ পাৰাপাৰ হয়।
চলিত বৰ্ষৰ ফেব্ৰুৱাৰীত আমেৰিকা আৰু ইজৰাইলে ইৰানত কৰা আক্ৰমণৰ পাছতে তেহৰান প্রশাসনে হৰমুজ প্রণালী বন্ধ কৰি দিছে। যাৰ পৰিণতিত বিশ্ব বাণিজ্যত ব্যাপক নেতিবাচক প্ৰভাৱ পৰে।
উৎস : দৈনিক জনমভূমি
Continue Reading
