ডিজিটেল ডেস্কঃ বিশ্বৰ ভিতৰতে এজন প্রখ্যাত উদ্যোগপতি হোৱাৰ উপৰি প্ৰয়াত ৰতন টাটা যে এজন মানৱহিতৈষী ব্যক্তি আছিল, সেই কথা শেহতীয়াকৈ পুনৰ প্ৰমাণিত হ'ল। এজন মানুহৰ উত্তৰাধিকাৰী পত্ৰ তেওঁ এৰি থৈ যোৱা সম্পদেৰে জুখিব নোৱাৰি, যেতিয়া তেওঁৰ ইচ্ছা-পত্ৰত তেওঁৰ দয়ালু আৰু মানৱ হিতৈষী মনোভাব প্রকাশ পায়।
প্রয়াত ৰতন টাটাই মহানতাৰ নিদৰ্শন পুনৰ দাঙি ধৰি তেওঁ এৰি থৈ যোৱা ইচ্ছা-পত্ৰত তেওঁৰ সাৰথি হৈ থকা লোকসকলৰ জীৱনৰ নিৰাপত্তাৰ বাবে ব্যৱস্থা কৰি থৈ গৈছিল। ৰতন টাটাই তেওঁৰ 'ইচ্ছা-পত্ৰ'ত তেওঁৰ ঘৰুৱা সহায়ক আৰু কাৰ্যালয়ৰ কৰ্মচাৰীসকলৰ বাবে ৩ কোটি টকা থৈ গৈছে। প্রয়াত ৰতন টাটাই তেওঁৰ 'ইচ্ছা-পত্ৰ'ত ঘৰুৱা সহায়ক, ড্ৰাইভাৰ আৰু কার্যালয় সহকাৰীসকললৈ এই ধন আগবঢ়াই থৈ গৈছে। তদুপৰি, তেওঁ বিভিন্ন কৰ্মচাৰীক আগবঢ়োৱা ঋণো মাফ কৰি গৈছে।
২০২৪ চনৰ ৯ অক্টোবৰত মৃত্যু হোৱা ৰতন টাটাক বছৰ বছৰ ধৰি সেৱা আগবঢ়াই অহা লোকসকলে এই বিত্তীয় সমর্থন লাভ কৰিব। তেওঁৰ 'ইচ্ছা-পত্ৰ' অনুসৰি, সাত বছৰতকৈ অধিক টাটালৈ সেৱা আগবঢ়োৱা সহায়কসকললৈ ১৫ লাখ টকাকৈ আবণ্টন দিয়া হৈছে। অংশকালীন সহায়ক আৰু গাড়ী ধোৱাসকলে ১ লাখ টকাকৈ লাভ কৰিছে। ৰতন টাটাৰ দীৰ্ঘকালৰ ৰান্ধনি ৰাজন শ্ব'ই ১ কোটি টকা লাভ কৰিছে য'ত তেওঁৰ ৫১ লাখ টকাৰ ঋণ মাফ কৰা হৈছে।
উৎস- দৈনিক জনমভূমি
Leave A Comment