Entertainment
Digital Desk: Pop icon Britney Spears has provided an update after removing her $7.4 million mansion in Thousand Oaks due to the devastating wildfires raging across Los Angeles. The singer took to Instagram to share her
ডিজিটেল ডেস্কঃ দক্ষিণৰ জনপ্ৰিয় অভিনেতা আল্লু অৰ্জুন আৰু ৰশ্মিকা মান্দানা অভিনীত তেলেগু ছবি পুষ্পাঃ দ্য ৰাইজ নামৰ চিনেমাখনে অভূতপূৰ্ব জনপ্ৰিয় লাভ কৰিবলৈ সক্ষম হৈছে। এই চিনেমাখনে কেইদিনমানৰ ভিতৰতে ২৭৫ কোটি টকাৰ সীমা অতিক্ৰম কৰিছে। চিনেমাখনত আল্লু অৰ্জুনৰ ষ্টাইলৰ পৰা চিনেমাখনৰ কাহিনীলৈকে আৰু প্ৰতিটো সংলাপে ছ'চিয়েল মিডিয়াত যথেষ্ট প্ৰশংসা লাভ কৰিছে আৰু পুষ্পা সকলো ঠাইতে প্ৰশংসিত হৈছে। পৰিচালক সুকুমাৰে তেওঁৰ চলচ্চিত্ৰ 'পুষ্পা: দ্য ৰাইজ'ৰ লগত জড়িত প্ৰতিজন লোকক কৃতজ্ঞতাৰ চিন হিচাপে ১ লাখ টকাৰ পুৰস্কাৰ ঘোষণা কৰিছে।
ছবিখনৰ পৰিচালকে ছবিখন নিৰ্মাণ কৰাসকলক পুৰস্কৃত কৰাৰ প্ৰতিশ্ৰুতি দিছে যিসকলে ছবিখন পৰ্দাৰ আঁৰত থাকি এই সফলতা কঢ়িয়াই আনিছে। পৰিচালক সুকুমাৰে কয় যে "মোৰ প্ৰযোজনা দলটোক তেওঁলোকৰ নিৰন্তৰ কষ্টৰ বাবে প্ৰশংসা কৰা প্ৰয়োজন। যিয়ে চিনেমাখন হিট হোৱাত দিন-ৰাতি একাকাৰ কৰি কাম কৰিছিল তেওঁলোকৰ প্ৰতিজনকে মই ১ লাখ টকা উপহাৰ দিব বিচাৰো।" পুষ্পাই লাভ কৰা অভূতপূৰ্ব সফলতাৰ বাবে চিনেমাখনৰ লগত জড়িত প্ৰতিজন লোকক ধন্যবাদ জনোৱাৰ উদ্দেশ্যৰে 'Thank You Meet' নামৰ এক অনুষ্ঠানৰ আয়োজন কৰা হয় আৰু এই অনুষ্ঠানতে পৰিচালক সুকুমাৰে এই ঘোষণা কৰে।
এই অনুষ্ঠানত পৰিচালক সুকুমাৰকে ধৰি সংগীত পৰিচালক দেৱী শ্ৰী প্ৰসাদ, অভিনেতা আল্লু অৰ্জুন, অভিনেত্ৰী ৰশ্মিকা মান্দানা আৰু দলৰ আন সদস্যসকল উপস্থিত আছিল, য'ত তেওঁলোকে ইজনে সিজনৰ প্ৰতি কৃতজ্ঞতা প্ৰকাশ কৰিছিল। উল্লেখ্য যে 'পুষ্পা: দ্য ৰাইজ' ১৭ ডিচেম্বৰত মুক্তি পাইছিল আৰু চিনেমাখন এই ছিজনৰ অন্যতম ছুপাৰ হিট চিনেমা হিচাপে বিবেচিত হৈছে।
আৰু পঢ়কঃ কেন্সাৰৰ সৈতে যুঁজ! অৱশেষত মৃত্যুক সাবটিলে বলীউডৰ বিশিষ্ট প্ৰযোজক বিজয় গালানীয়ে
Leave A Comment