দীপিকাৰ সৈতে সন্তানৰ নাম আলোচনা কৰিছে ৰণবীৰে, কেনেবাকৈ জ্বলা জুইত ঘি ঢলা নাইতো ৰণবীৰে?

ডিজিটেল ডেস্কঃ কেইদিনমানৰ পৰা মায়ানগৰীৰ বতাহত নতুন খবৰৰ প্ৰতিধ্বনি শুনিবলৈ পোৱা গৈছে। দীপিকা পাডুকোন হেনো মাতৃ হ'বলৈ ওলাইছে। এই খবৰৰ সত্যসত্যতা কিমান সেয়া জানিবলৈ পোৱা নাই বৰ্তমান। কাৰণ,  দীপিকাই এই সন্দৰ্ভত কোনো ধৰণৰ প্ৰতিক্ৰিয়া প্ৰকাশ কৰা নাই বা তেওঁৰ স্বামী ৰণবীৰ সিঙেও এতিয়ালৈকে এই বিষয়ে একো কোৱা নাই। কিন্তু তাৰে মাজতে দীপিকাৰ মাতৃ হোৱাৰ খবৰ এতিয়া বিয়পি পৰিছে সৰ্বত্ৰে।

ৰণবীৰৰ এটা মন্তব্যই দীপিকাৰ গৰ্ভধাৰণৰ অনুমানক আৰু অধিক গতি দিয়া পৰিক্ষিত হৈছে। অভিনেতাজনে তেওঁৰ নতুন ছবি 'জয়েশভাই জোৰ্দাৰ'ৰ প্ৰচাৰ কৰিবলৈ গৈছিল। চলচ্চিত্ৰখনৰ যোগেদি  কন্যা সন্তানৰ ভ্ৰূণ হত্যা বন্ধ কৰাৰ বাৰ্তা দিবলৈ চেষ্টা কৰা হৈছে। নায়কজনক তেতিয়া সোধা হৈছিল, যদি তেওঁৰ আৰু দীপিকাৰ কন্যা সন্তান জন্ম হয় তেতিয়া তেওঁলোকে কি নাম থ’ব? অভিনেতাজনৰ স্পষ্ট উত্তৰ, ‘মই নামটোৰ প্ৰতি অতি আগ্ৰহী। দীপিকা আৰু মই আমাৰ সম্ভাৱ্য সন্তানৰ নামক লৈ আলোচনাও কৰিছো।’  অৱশ্যে, সন্তানৰ নামৰ সেই তালিকা মুকলিকৈ কোৱাৰ পৰা বিৰত থাকে ‘৮৩’ ছবিৰ অভিনেতা কপিল দেৱে।

ৰণবীৰৰ এই মন্তব্যৰ পাছতে চৰ্চা হয় সৰ্বত্ৰে।  নাম ঠিক কৰাৰ সময় আহি পৰা মানে নিৰ্ঘাত নতুন সদস্যৰ অপেক্ষাত তাৰকা দম্পতী। ইয়াৰপূৰ্বেও জল্পনাৰ জ্বলা জুইত ঘি ঢালিছিল  ৰণবীৰে। কেইদিনমান আগতে, তেওঁক সোধা হৈছিল যে তেওঁ ল’ৰা নে ছোৱালীৰ পিতৃ হ'ব বিচাৰে? অভিনেতাজনে তেতিয়া কেৱল কৈছিল যে, ‘ ল’ৰা হওক বা ছোৱালী, তেওঁ আমাৰ জীৱনত আশীৰ্বাদ হৈয়ে পৃথিৱীলৈ আহিব।’