‘বেতে কো হাট লগানে ছে পেহলে....’- তীব্ৰ জনপ্ৰিয়তা লাভ কৰিছে জৱানৰ এই সংলাপে! কি ক’ব বিচৰা হৈছে এই সংলাপেৰে?

উল্লেখ্য যে ২০২১ চনত মুম্বাইৰ ড্ৰাগছ গোচৰত পুত্ৰ আৰিয়ান খানক গ্ৰেপ্তাৰ কৰাৰ পিছত শ্বাহৰুখে কেতিয়াও ৰাজহুৱা স্থানত এই সন্দৰ্ভত মুখ মেলা নাছিল। সেয়ে বলীউডৰ ৰজাই নিজৰ ছবিৰ জৰিয়তেই কোনো বিশেষ ব্যক্তিক বাৰ্তা দিব বিচাৰে নেকি? দৰ্শক আৰু অনুৰাগীৰ মাজত কৌতুহলৰ সৃষ্টি হৈছিল।

এইবাৰ সংলাপ লেখক সুমিত অৰোৰাই সেই সংলাপৰ আঁৰৰ কাহিনী বৰ্ণনা কৰিলে। শেহতীয়াকৈ এক সাক্ষাৎকাৰত সুমিতে কয় যে প্ৰথম অৱস্থাত সংলাপ চিত্ৰনাট্যত নাছিল। ছবিখনৰ সেই বিশেষ দৃশ্যটোৰ শ্বুটিঙৰ দিনা হঠাতে মনলৈ আহিল সংলাপৰ চিন্তা। সুমিতে কয়, ‘এই কাৰণেই চিনেমা নিৰ্মাণৰ প্ৰক্ৰিয়াটো ইমান আকৰ্ষণীয়। যি মুহূৰ্তত দৃশ্যটো শ্বুট কৰা হৈছিল, আমি সকলোৱে অনুভৱ কৰিছিলো যে শ্বাহৰুখৰ মুখত কিছু শক্তিশালী সংলাপ হ’ব লাগে।’’

তেওঁ কয়, "সেই দৃশ্যটোৰ শ্বুটিঙৰ সময়ত যেতিয়া মোক চেটলৈ মাতিছিল, তেতিয়া মোৰ মনলৈ এই সংলাপটো অতি সহজেই আহিছিল... 'বেটে কো হাট লগানে ছে পেহলে বাপ সে বাত কাৰ'। এটলী আৰু শ্বাহৰুখ, দুয়োজনে এই সংলাপটো ভাল পাইছিল।''

যোৱা ৭ ছেপ্টেম্বৰত সমগ্ৰ বিশ্বৰ চিনেমাগৃহত মুক্তি পালে শ্বাহৰুখৰ প্ৰথমখন প্যান ইণ্ডিয়ান ছবি ‘জৱান’। আটলীয়ে পৰিচালনা কৰা এই ছবিখনে ইতিমধ্যে বিশ্ব জোৰাৰ বক্স অফিচত ৬৫০ কোটিৰো অধিক টকা উপাৰ্জন কৰিছে।