অত্যাচাৰী শাসককৰ নামেৰে সন্তানৰ নামাকৰণ! 'টাইমুৰ বিতৰ্ক’ সম্পৰ্কে প্ৰথমবাৰৰ মুখ খুলিলে কৰীণা কাপুৰে, কি ক’লে

এতিয়া তেওঁ বালিউডৰ নায়িকাসকলৰ পথ প্ৰদৰ্শক। কিন্তু তেওঁলোকৰ পুত্ৰ টাইমুৰৰ জন্মৰ পিছৰে পৰা বাৰে বাৰে সমালোচনাৰ সন্মুখীন হৈছে ছাইফ-কৰিনা। অভিনেত্ৰীগৰাকীৰ পুত্ৰৰ নামকৰণক লৈ উত্তেজিত হৈ পৰিল কঠোৰ হিন্দুত্ববাদীসকল। তেওঁলোকৰ মতে কৰীনা আৰু ছাইফৰ নাম টাইমুৰ লঙৰ দৰে অত্যাচাৰীৰ নামেৰে ৰখা উচিত নাছিল। আনকি কণমানি টাইমুৰো সমালোচনাৰ পৰা ৰক্ষা পোৱা নাই। প্ৰথমবাৰৰ মাতৃ হোৱাৰ অনুভৱৰ উপৰিও ইমান বছৰৰ পাছত পুত্ৰক লৈ কৰা এনে সমালোচনা কৰীনাই কেনেকৈ চম্ভালিলে?

সৰুৰে পৰাই টাইমুৰ চৰ্চাত। ষ্টাৰ কিডছৰ ভিতৰত কৰীনাৰ ডাঙৰ পুত্ৰ টাইমুৰৰ ছবিখনেই আটাইতকৈ বেছি প্ৰচাৰিত হৈছে। টাইমুৰৰ জন্মৰ পৰাই ফটোগ্ৰাফাৰসকলে কেমেৰাটো টাইমুৰৰ ফালে আঙুলিয়াই ৰাখিছিল। অনবৰতে শিশুটিৰ নাম সমালোচনা কৰাটো কৰীনাৰ বাবে অসহ্যকৰ আছিল? শেহতীয়াকৈ অভিনেত্ৰীগৰাকীয়ে এই কথা কয়।

মুম্বাইৰ এটা অনুষ্ঠানলৈ আহি কৰীনা কাপুৰক মুকলি আড্ডাৰ আমেজত দেখা গৈছিল। তেওঁৰ ভাষাত, "মই ভাবো যিকোনো মাতৃ বা তেওঁৰ সন্তানে এনে পৰিস্থিতিৰ মাজেৰে পাৰ হ'ব লগা হয়।’’ ইমান বছৰৰ পিছতো অভিনেত্ৰীগৰাকীয়ে এতিয়াও ভাবিছে যে তেওঁলোকৰ লগত কিয় এনেকুৱা হ'ল।

কৰীনাই কয়, ''মই এতিয়াও নাজানো ইয়াৰ আঁৰৰ কাৰণ কি আছিল। কাকো ক্ষুন্ন কৰিব পৰাকৈ একো কৰা হোৱা নাছিল। মোৰ বিশ্বাস আমাৰ দেশত বাক স্বাধীনতাৰ অধিকাৰ আমাৰ আছে। কেৱল সেয়াই নহয়, তেওঁ যি বিচাৰে তাকে কৰিব পাৰো। মই আৰু ছাইফে সেই কথা বিশ্বাস কৰো।’’

তদুপৰি কৰীনাই স্পষ্টকৈ কৈছিল যে তেওঁৰ পুত্ৰৰ নামৰ লগত অত্যাচাৰী টাইমুৰ লঙৰ কোনো সম্পৰ্ক নাই। ছাইফ আলীৰ শৈশৱৰ বন্ধু এজনৰ নামৰ পৰাই এই নামটো লোৱা হৈছে। কৰীনাই ক'লে, "আমি যেতিয়া আমাৰ ল'ৰাটোৰ নাম ৰখাৰ কথা ভাবি আছিলো, তেতিয়া ছাইফে আমাক কৈছিল যে তেওঁৰ শৈশৱৰ বন্ধুৰ নাম টাইমুৰ। ছাইফে সদায় কৈছিল যে এই নামটো তেওঁৰ বৰ ভাল লাগে। আমাৰ যদি পুত্ৰসন্তান হয়, তেন্তে বন্ধুৰ নামেৰে তাৰ নাম টাইমুৰ ৰাখিম।’’

সমগ্ৰ দেশতে পুত্ৰ টাইমুৰৰ নামক লৈ বিতৰ্ক চলি থকাৰ সময়তে ছাইফে প্ৰকাশ কৰে যে পুত্ৰৰ নামৰ অৰ্থ হৈছে ‘তীখা’ বা ‘লোহা’। শাসক টাইমুৰৰ লগত ইয়াৰ কোনো সম্পৰ্ক নাই। কিন্তু যেতিয়া ল’ৰাটোৰ নামে বিভিন্ন ঠাইত ধুমুহাৰ সৃষ্টি কৰিছিল, তেতিয়া কৰীনাৰ বাবে সেয়া অপ্ৰত্যাশিত আছিল বুলি অভিনেত্ৰীগৰাকীয়ে কয়। কৰীনাৰ ভাষাত, "সেই মুহূৰ্ততে মই সিদ্ধান্ত লৈছিলো, মোৰ সন্তানৰ নাম মই যি বিচাৰো তাকেই ৰাখিম। মোৰ সন্তানটো ভালে থকালৈকে মই একো গুৰুত্ব নিদিওঁ। আমি ভালেই আছো। পৃথিৱীৰ মানুহে যিয়েই নকওক, যিমানেই ট্ৰল কৰক, মই একো গুৰুত্ব নিদিও।’’