বৈবাহিক জীৱনত মানসিক আতিশয্যৰ বলি ‘কৃষ্ণ’ নীতিশ ভৰদ্বাজ! এজাহাৰ দাখিল

নীতিশ ভৰদ্বাজে কয় যে ''স্মিতা গেটে মোক মোৰ কন্যাৰ পৰা আঁতৰাই ৰাখিবলৈ ৰচনা কৰা ষড়যন্ত্ৰৰ সকলো প্ৰমাণ মই মুম্বাইৰ পৰিয়াল আদালতক দিছো। যেতিয়া কন্যাৰ তত্ত্বাৱধানৰ যুক্তি আৰম্ভ হ’ব, তেতিয়া আমি তেওঁলোকৰ প্ৰমাণক আমাৰ যুক্তিৰ ভিত্তি কৰিম। তেওঁ আৰু কয় যে আপুনি কাকো দুৰ্যোধন হোৱাত বাধা দিব নোৱাৰে। গণতান্ত্ৰিক ব্যৱস্থাত এটা সীমা আছে। এই সীমাৰ ভিতৰত থাকি জটিলতাসমূহ সমাধান কৰিব লাগিব। গতিকে আইন-শৃংখলাৰ পৰিসৰৰ ভিতৰত থাকি এই গোচৰটো যুঁজিব লাগিব।''

নীতিশৰ অভিযোগ যে স্মিতাই তেওঁক কোনোদিন কন্যা সন্তানৰ বিষয়ে একো জনোৱা নাই। মোৰ ছোৱালীকেইজনীয়ে ক’ত পঢ়ি আছে, ক’ত আছে নাজানো। এইক্ষেত্ৰত মোৰ IAS পত্নীয়ে নিজ পদৰ অপ ব্যৱহাৰ কৰিছে। সেয়েহে মুখ্যমন্ত্ৰী মোহন যাদৱক লগ কৰি সকলো তথ্য দিছিলো।'' তেওঁ আৰু কয় যে ''মই দুয়োগৰাকী ছোৱালীৰ তত্ত্বাৱধান বিচাৰিছো, কাৰণ মোৰ পত্নীৰ যি আচৰণ সেয়া মোৰ ছোৱালীকেইজনীৰ ভৱিষ্যতৰ বাবে ভাল নহয়।''

এই সন্দৰ্ভত ভূপাল আৰক্ষী আয়ুক্ত হৰিনাৰায়ণচাৰী মিশ্ৰই কয় যে এই সন্দৰ্ভত এজাহাৰ পোৱা গৈছে। বিষয়টোৰ তদন্ত অব্যাহত ৰাখিছে এগৰাকী জ্যেষ্ঠ পৰ্যায়ৰ মহিলা বিষয়াই। এই বিষয়ত বহু সমস্যাৰ সৃষ্টি হৈছে। মহিলা বিষয়াগৰাকীয়ে সকলো তদন্ত কৰি প্ৰতিবেদন দাখিল কৰিব। 

উল্লেখ্য যে নীতিশে দুবাৰ বিয়া পাতিছিল, কিন্তু তেওঁৰ দুয়োখন বিবাহ স্থায়ী নহ’ল। 

১৯৯১ চনত মনিষা পাটিলৰ সৈতে প্ৰথম বিবাহিত জীৱন আৰম্ভ কৰিছিল যদিও ২০০৫ চনত এই বিবাহ বিচ্ছেদ হয়। ইয়াৰ পিছত নীতিশে স্মিতাক বিয়া কৰায়। ২০০৯ চনত নীতিশ আৰু স্মিতাৰ বিবাহ হৈছিল আৰু দুয়োৰে যমজ কন্যা সন্তান আছে।