অসুস্থ ভাৰতীয় চলচ্চিত্ৰ জগতৰ বৰ্ষীয়ান অভিনেতা ধৰ্মেন্দ্ৰ; চিকিৎসাৰ বাবে আমেৰিকালৈ উৰা মাৰিলে অভিনেতাজনে

ইণ্ডিয়া টুডেত প্ৰকাশিত এক প্ৰতিবেদন অনুসৰি ধৰ্মেন্দ্ৰ কিছুদিনৰ পৰা স্বাস্থ্যজনিত সমস্যাৰ সন্মুখীন হৈছিল বুলি কোৱা হৈছে আৰু এতিয়া তেওঁৰ পুত্ৰ ছানী দেউলে তেওঁক চিকিৎসাৰ বাবে আমেৰিকালৈ লৈ গৈছে। কেৰিয়াৰৰ পৰা কিছুদিনৰ বাবে বিৰতি লৈ পিতৃৰ লগত যোৱাৰ সিদ্ধান্ত লৈছে ছানী দেউলে।

বিশেষ সূত্ৰই জনোৱা মতে, ৮৭ বছৰীয়া ধৰ্মেন্দ্ৰই স্বাস্থ্যৰ সৈতে জড়িত বহু সমস্যাৰ সন্মুখীন হৈছে। এনে পৰিস্থিতিত ছানী দেউলে তেওঁক আমেৰিকালৈ লৈ গৈছে যাতে তেওঁৰ উন্নত চিকিৎসা কৰা হয়। ছানী দেউল আৰু ধৰ্মেন্দ্ৰ ১৫-২০ দিন আমেৰিকাত থাকিব। কিন্তু ধৰ্মেন্দ্ৰৰ স্বাস্থ্যৰ সন্দৰ্ভত কোৱা হৈছে যে চিন্তাৰ কোনো কথা নাই।