• জ’ বাইডেনক সাক্ষাৎ কৰিব জৰ্দানৰ বাদশ্বাহে

    আন্তঃৰাষ্ট্ৰীয়

    ৱাশ্বিংটনঃ ইজৰাইলৰ নতুন প্ৰধানমন্ত্ৰীৰ সৈতে গোপন বৈঠকৰ পাছত এইবাৰ মাৰ্কিন ৰাষ্ট্ৰপতিৰ সৈতে সাক্ষাৎ জৰ্দানৰ বাদশ্বাহ আব্দুল্লাৰ। জ’ বাইডেন ক্ষমতালৈ অহাৰ পাছত হোৱাইট হাউছত আমন্ত্ৰণ পোৱা ৫৯ বৰ্ষীয় আব্দুল্লা প্ৰথমগৰাকী আৰব নেতা। ইজৰাইলৰ সৈতে সম্পৰ্কোন্নয়নৰ বিষয়ে আজি হোৱাইট হাউছত বাইডেনৰ সৈতে আব্দুল্লাৰ বৈঠক অনুষ্ঠিত হোৱাৰ সম্ভাৱনা আছে। উল্লেখ্য যে, যুক্তৰাষ্ট্ৰ সমৰ্থিত জৰ্দানৰ বাদশ্বাহগৰাকীয়ে বিগত ২১বছৰ ধৰি দেশৰ ৰাষ্ট্ৰীয় ক্ষমতাত অধিষ্ঠিত হৈ আছে।


    আনহাতে, ১৯৯৪চনতে ইজৰাইলৰ সৈতে সম্পৰ্ক স্থাপন কৰিছিল যুক্তৰাষ্ট্ৰই। কিন্তু ২০২০চনত ট্ৰাম্পৰ মধ্যস্ততাত বাহৰাইন, আমিৰাত, ছুদান আৰু মৰক্কোক ইজৰাইলৰ সৈতে স্বাভাৱিক সম্পৰ্ক গঢি় তোলাক কেন্দ্ৰ কৰি তীব্ৰ বিতৰ্কৰ সূত্ৰপাত হয়। ট্ৰাম্পৰ আগ্ৰাসী প্ৰস্তাৱৰ বিৰোধিতা কৰিছিল বাদশ্বাহ আব্দুল্লাহ-ই। শেহতীয়াকৈ, আল-আকছাত সাধাৰণ নাগৰিকৰ ওপৰত চলা অত্যাচাৰ, গাজাত নিৰপৰাধ ফিলিস্তাইনীৰ ওপৰত নিৰ্বিচাৰ বোমাতংকৰ ঘটনাৰ বাবে ইজৰাইলৰ সৈতে পূৰ্বৰ সম্পৰ্ক অৱনমিত হৈছে জৰ্ডানৰ। তেনে পৰিপ্ৰেক্ষিতত জৰ্দানৰ বাদশ্বাহেৰে ইজৰাইলৰ নতুন প্ৰধানমন্ত্ৰী নাফটালী বেনেটৰ বৈঠকে দুয়োখন দেশৰে কূটনৈতিক শক্তি অধিক শক্তিশালী হোৱাৰ আশংকা কৰা হৈছে।

    Weather Forecast

    ASSAM WEATHER