ডিজিটেল ডেস্কঃ পাকিস্তানৰ হিন্দু মন্দিৰত পুনৰ আক্ৰমণ কৰা হৈছে। পাক প্ৰদেশত সংখ্যালঘুসকলৰ ওপৰত হোৱা অত্যাচাৰৰ এনে আক্ৰমণ কোনো নতুন ঘটনা নহয়। শেহতীয়াকৈ উগ্ৰপন্থীৰ এটা দলে কৰাচীৰ সিন্ধু প্ৰদেশৰ এটা হিন্দু মন্দিৰত আক্ৰমণ কৰিছিল। আক্ৰমণত সমগ্ৰ মন্দিৰটো ধ্বংস হৈ পৰিছে। মন্দিৰৰ গৰ্ভগৃহটো ভাঙি চুৰমাৰ কৰা হল।
খবৰ অনুসৰি, ঘটনাটো পাকিস্তানৰ বন্দৰ চহৰৰ পাঁচ নম্বৰ কোৰাংগী অঞ্চলত সংঘটিত হৈছিল। উক্ত ঘটনাটোৱে পাকিস্তানত এতিয়া আতংকৰ সৃষ্টি কৰিছে। বিশেষকৈ এতিয়া পাকিস্তানৰ সংখ্যালঘু সম্প্ৰদায়ৰ লোকসকল আতংকিত হৈ পৰিছে।
অঞ্চলটোৰ এটা বিখ্যাত মন্দিৰ কৰাচীৰ শ্ৰী মাৰি মাতা মন্দিৰ। সেই মন্দিৰতে জনতাই আক্ৰমণ কৰে। কেৱল মন্দিৰতে নহয়, পুৰোহিতৰ ঘৰও আক্ৰমণ কৰে দুৰ্বৃত্তৰ দলটোৱে। পাকিস্তানী আৰক্ষীয়ে এতিয়াও গোচৰটোৰ সন্দৰ্ভত কোনো অভিযুক্তক গ্ৰেপ্তাৰ কৰা নাই। আক্ৰমণৰ কাৰণো বৰ্তমানলৈকে জানিব পৰা হোৱা নাই।
কোৰাংগীৰ এছএইচঅ' ফাৰুক সঞ্জৰানীয়ে কয় যে স্থানীয় লোকসকলৰ বিবৃতি অনুসৰি, ঘটনাটোত ছয়ৰ পৰা আঠজন অভিযুক্ত আছে। এটা হিন্দু মন্দিৰত দলটোৱে আক্ৰমণ কৰা সন্দৰ্ভত এটা গোচৰ ৰুজু কৰা হৈছে। আৰক্ষীয়ে তদন্ত কৰি আছে। তেওঁ কয় যে,আটাইকেইজন অভিযুক্ত সোনকালেই সোনকালেই গ্ৰেপ্তাৰ কৰা হব।
ঘটনাটো প্ৰথম বাৰৰ বাবে নহয়, আনকি ইমৰান খান চৰকাৰৰ অধীনতো, হিন্দু মন্দিৰসমূহত বাৰে বাৰে আক্ৰমণ হৈছিল। ইয়াৰ পূৰ্বে, খাইবাৰ পাখতুনখোৱাত এটা মন্দিৰ ধ্বংস কৰাৰ বাবে মানৱ অধিকাৰ সংগঠনসমূহৰ হেঁচাত পাকিস্তানে এটা উগ্ৰ ইছলামবাদী গোটৰ বিৰুদ্ধে কঠিন ব্যৱস্থা ল'বলৈ বাধ্য হৈছিল। চৰকাৰৰ নিৰ্দেশত, ঘটনাটোৰ লগত জড়িত ৩০ গৰাকী লোকক গ্ৰেপ্তাৰ কৰা হৈছে।
Leave A Comment