শাওণ মাহত কি কি খাব নালাগে?

শাওণ মাহ ভগৱান শিৱৰ ভক্তি আৰু মা পাৰ্বতীৰ শক্তিত সমৰ্পিত। এই মাহত পূজা–পাঠৰ সৈতে সম্পৰ্কিত নিয়ম পালন কৰাৰ উপৰি খোৱা–লোৱাটো কিছুমান কথাৰ প্ৰতি গুৰুত্ব দিয়া উচিত। ইয়াৰ আঁৰত ধৰ্মীয় কাৰণো আছে আৰু বৈজ্ঞানিক যুক্তিয়েও ইয়াক সমৰ্থন কৰে। 

শাস্ত্ৰৰ মতে, শাওণ মাহত শাক খাব নালাগে। কোৱা হয় যে ভগৱান শিৱই প্ৰকৃতিক খুব ভাল পায়। সেয়েহে শাক চিঙি খোৱাটো শুভ বুলি ধৰা নহয়। এনে কৰিলে মহাদেৱ অসন্তুষ্ট হয়। আনহাতে, বৈজ্ঞানিক যুক্তিৰে কোৱা হয় যে শাওণ মাহত শাকত পিত্ত বৃদ্ধি কৰা তত্বৰ মাত্ৰা বাঢ়ি যায়। যিটোৱে পাচনত সমস্যাৰ সৃষ্টি কৰে। আনহাতে, শাওণ মাহত বৰষুণ অধিক হয় আৰু অধিক বৰষুণ হ’লে সেউজীয়া শাকত কীট–পতংগৰ সংখ্যা বাঢ়ি যায়। সেয়েহে খোৱা উচিত নহয়, স্বাস্থ্যৰ সমস্যাও হ’ব পাৰে। সেইবাবে শাওণ মাহত শাক খোৱা উচিত নহয়।

শাওণ মাহত বতৰ আৰ্দ্ৰ আৰু ঠাণ্ডা হয়। দৈও ঠাণ্ডা। এনে পৰিস্থিতিত দৈ খালে আপোনাৰ চৰ্দি–জ্বৰৰ সমস্যা হ’ব পাৰে। সেয়েহে অধিক প্ৰয়োজনীয় নহ’লে শাওণ মাহত দৈ ব্যৱহাৰ নকৰিব।

শাওণ মাহত গাখীৰ খোৱাও ক্ষতিকাৰক বুলি কোৱা হয়। ইয়াৰ আঁৰতো ধৰ্মী আৰু বৈজ্ঞানিক দুয়োটা কাৰণ আছে। কোৱা হয় যে শাওণ মাহত গৰু বা ম’হে যি খাদ্য খায়, তাৰ সৈতে বিভিন্ন কীট–পতংগ ভক্ষণ কৰে। সেইবাবে গাখীৰত বেক্টেৰিয়া হোৱাৰ সম্ভাৱনা বৃদ্ধি পায়। সেইবাবে শাওণ মাহত গাখীৰ নাখালে ভাল।

শাওণ মাহত ভুলতো আমিষ আহাৰ আৰু নহৰু, পিঁয়াজ নাখাব। কোৱা হয় যে এই খাদ্যবোৰে শৰীৰত গৰম ভাৱ জগাই আৰু ইয়াৰ ফলত আপোনাৰ মন ভোগ–বাসনাৰ প্ৰতি আকৰ্ষিত হয়। যিটো ভগৱান শিৱৰ ভক্তিত বাধা উৎপন্ন কৰে। সেইবাবে শাওণ মাহত আমিষ খাদ্য আৰু নহৰু–পিঁয়াজ খোৱাৰ পৰা বিৰত থাকক।

এই মাহ অতি পবিত্ৰ। শাওণ মাহত নিচাজাতীয় খাদ্য খোৱাটো অপৰাধ বুলি গণ্য কৰা হয়। 

শাওণ মাহত বেঙেনা, মূলা খোৱাও নিষিদ্ধ