সমাগত গণেশ চতুৰ্থী, পূজাৰ বাবে গণপতিৰ মূৰ্তি কিনাৰ সময়ত মনত ৰাখিব এইকেইটা গুৰুত্বপূৰ্ণ কথা

• Image Credit: Internet

• Aug 25, 2022 | Pranita Bharali

ডিজিটেল
ডেস্ক : হিন্দু ধৰ্মত গণেশজীৰ এক বিশেষ স্থান আছে। যিকোনো শুভ কামৰ আগত গণেশৰ পূজা
কৰা হয়। যাতে সকলো কাম সুকলমে সম্পন্ন কৰিব পৰা যায়। ভাদ্ৰপদ মাহৰ শুক্ল পক্ষৰ চতুৰ্থী
তিথিত গণেশৰ জন্ম হৈছিল আৰু এই দিনটোত অতি আড়ম্বৰেৰে গণেশ চতুৰ্থী পালন কৰা হয়। স্থান
বিশেষে গণেশ মহোৎসৱ ১০দিনলৈ পালন কৰা হয়।

চতুৰ্থীৰ
দিনা গণপতিক পূজাৰ সময়ত তেওঁৰ প্ৰিয় বস্তুবোৰ আগবঢ়োৱা হয়। গণেশক সন্তুষ্ট হৈ ভক্তসকলৰ
সকলো সুখ-কষ্ট দূৰ কৰি সকলো কাম সুকলমে সম্পন্ন কৰিবলৈ আশীৰ্বাদ দিয়ে। এনে অৱস্থাত
এই ১০দিনৰ বাবে বাপ্পাক তেওঁৰ প্ৰিয় বস্তু যেনে-মোদক, লাড়ু আদি আগবঢ়োৱা হয়। গণেশ
চতুৰ্থীত বাপ্পাক ঘৰলৈ অনাৰ আগতে গণেশৰ মূৰ্তি কিনাৰ সময়ত কি কি কথা মনত ৰাখিব লাগে
জানো আহক।

গণেশৰ
মূৰ্তি কিনাৰ সময়ত এইবোৰ কথা মনত ৰাখিব-

১.
গণেশজীৰ বিভিন্ন মূৰ্তিৰ বিভিন্ন গুৰুত্ব জ্যোতিষশাস্ত্ৰত আছে। লগতে বাপ্পাৰ আকাৰ অনুযায়ী
এটা সুকীয়া বৈশিষ্ট্য আছে। জ্যোৰ্তিবিজ্ঞান অনুসৰি চাকৰি বা ব্যৱসায়ৰ লগত জড়িত সমস্যাবোৰ
দূৰ কৰিবলৈ হ’লে সেন্দূৰ ৰূপৰ ভগৱান গণেশৰ মূৰ্তি প্ৰতিষ্ঠা কৰিব লাগে। এনে মূৰ্তি
স্থাপনে ব্যক্তিজনৰ ভাগ্যৰ বন্ধ দুৱাৰ খুলি দিয়ে।

২.
গণপতিৰ মূৰ্তি ক্ৰয় কৰাৰ সময়ত বিশেষ মন কৰিবলগীয়া কথাটো হ’ল-গণেশে বহি থকা মূৰ্তি
কিনিব লাগে। গণেশ চতুৰ্থীৰ সময়ত এনে প্ৰতিমা প্ৰতিষ্ঠা কৰাটো অত্যন্ত শুভ বুলি গণ্য
কৰা হয়।