বিশ্বৰ ৫২ শতাংশ লোকেই মূৰৰ বিষত ভোগাৰ বিপৰীতে মহিলাসকল এই সমস্যাৰ দ্বাৰা অধিক আক্ৰান্ত হয়

• Image Credit: Internet

• Apr 17, 2022 | Pranita Bharali

ডিজিটেল
ডেস্কঃ বিশ্বৰ জনসংখ্যাৰ ৫২ শতাংশতকৈও অধিক লোক মুৰৰ বিষৰ দৰে সমস্যাত ভুগিবলগা হয়,
ইয়াৰ ১৪ শতাংশই মাইগ্ৰেইনৰ সমস্যা। শেহতীয়া এক গৱেষণাত প্ৰকাশ পোৱা তথ্য অনুসৰি মহিলাসকলে
পুৰুষৰ তুলনাত অধিক মুৰৰ বিষৰ সমস্যাত ভোগে। নৰৱেৰ বিজ্ঞান আৰু প্ৰযুক্তিবিদ্যা বিশ্ববিদ্যালয়ৰ
গৱেষকৰ এটা দলে চলোৱা গৱেষণাৰ প্ৰতিবেদন অনুসৰি বিশ্বব্যাপী ২০ৰ পৰা ৬৫ বছৰ বয়সৰ লোকসকলৰ
মূৰৰ বিষ অধিক হোৱা দেখা যায়।

 গৱেষকসকলৰ
মতে ১৯৬১ৰ পৰা ২০২০ চনৰ ভিতৰত প্ৰকাশিত প্ৰতিবেদনৰ ওপৰত ভিত্তি কৰি মুৰৰ বিষৰ সমস্যা
মূল্যায়ন কৰা হৈছিল। তেওঁলোকৰ পৰ্যালোচনা প্ৰতিবেদন অনুসৰি প্ৰায় ২৬ শতাংশ লোক মানসিক
চাপৰ ফলত মুৰৰ বিষৰ সমস্যাত ভোগে আৰু ৪.৬ শতাংশই ১৫ বা অধিক দিনত এই সমস্যা ভোগাৰ তথ্য
পোহৰলৈ আহে।

 গৱেষণাত
এই তথ্যও প্ৰকাশ পাইছিল যে প্ৰায় ১৫.৮ শতাংশ লোকৰ মুৰৰ বিষৰ সমস্যাৰ বিপৰীতে প্ৰায়
৫০ শতাংশই মাইগ্ৰেইনৰ দৰে সমস্যাৰ সন্মুখীন হৈছিল। অধ্যয়নটোৰ মুখ্য লেখক লাৰ্ছ জেকব
চোনাৰে কৈছিল যে মুৰৰ বিষৰ সমস্যা বিশ্বজুৰি সচৰাচৰ হয় আৰু পৃথক পৃথক কাৰণতে এই সমস্যাৰ
দ্বাৰা প্ৰভাৱিত হয়। মুৰৰ বিষ প্ৰতিৰোধ কৰা আৰু ইয়াৰ চিকিৎসাৰ বাবে উন্নত চিকিৎসাৰ
প্ৰয়োজনীয়তা আছে।

 উল্লেখ্য যে, মহিলাসকলে মুৰৰ বিষত বেছি ভোগে। গৱেষণাৰ
মতে দেখা যায় যে ৮.৬ শতাংশ পুৰুষ মাইগ্ৰেইনত ভোগাৰ বিপৰীতে ১৭ শতাংশ মহিলাই ইয়াৰ দ্বাৰা
আক্ৰান্ত হয়। একেদৰে ৬ শতাংশ মহিলাই ১৫ বা তাতকৈ অধিক দিনৰ বাবে মুৰৰ বিষৰ সমস্যাত
ভোগে, আনহাতে পুৰুষৰ ক্ষেত্ৰত ই হৈছে মাত্ৰ ২.৯ শতাংশ।