ডিজিটেল ডেস্কঃ হিন্দু ধৰ্মত শাৰদীয় নৱৰাত্ৰিৰ গুৰুত্ব অতি বেছি। এইবাৰ ২০২৩ চনৰ ১৫ অক্টোবৰৰ পৰা আৰম্ভ হৈছে নৱৰাত্ৰি। অশ্বিন শুক্লাৰ প্ৰতিপদৰ পৰা আৰম্ভ হৈ নৱমী তিথিত শেষ হয় শাৰদীয় নৱৰাত্ৰি। এইবাৰ ২৩ অক্টোবৰত নৱৰাত্ৰি সমাপ্ত হ’ব আৰু পিছদিনা ২৪ অক্টোবৰত বিজয়া দশমী উদযাপন কৰা হ’ব।
নৱৰাত্ৰিৰ সময়ত দেৱী দুৰ্গাৰ নটা ৰূপক ৰীতি-নীতিৰে পূজা কৰা হয়। প্ৰতিটো দিন মা দুৰ্গাৰ এক বিশেষ ৰূপত উৎসৰ্গিত। লগতে এই ৯ দিনত বিভিন্ন ৰঙৰ কাপোৰ পৰিধান কৰা হয়। বিশ্বাস কৰা হয় যে নৱৰাত্ৰিৰ প্ৰতিদিনে বিশেষ ৰঙীন কাপোৰ পিন্ধি পূজা কৰিলে দেৱী দুৰ্গা সহজে সন্তুষ্ট হয় আৰু বিশেষ ফল দিয়ে।
নৱৰাত্ৰিত কি ৰঙৰ কাপোৰ পিন্ধিব জানি লওক
১) নৱৰাত্ৰিৰ প্ৰথম দিন ১৫ অক্টোবৰ ২০২৩: নৱৰাত্ৰিৰ প্ৰথম দিনটোত মাতৃ শৈলপুত্ৰীৰ পূজা কৰা হয়। মাতৃ শৈলপুত্ৰীয়ে সুখ, সমৃদ্ধি আৰু শান্তি প্ৰদান কৰে। এই দিনটোত হালধীয়া ৰঙৰ বস্ত্ৰ পৰিধান কৰি শৈলপুত্ৰী দেৱীক পূজা কৰিব লাগে।
২) নৱৰাত্ৰিৰ দ্বিতীয় দিন, ১৬ অক্টোবৰ ২০২৩: নৱৰাত্ৰিৰ দ্বিতীয় দিনা মা দুৰ্গাৰ ব্ৰহ্মচাৰিনী ৰূপ পূজা কৰা হয়। সেউজীয়া ৰঙৰ কাপোৰ পিন্ধি ব্ৰহ্মচাৰিনী মাতাক পূজা কৰিব লাগে।
৩) নৱৰাত্ৰিৰ তৃতীয় দিন ১৭ অক্টোবৰ ২০২৩: নৱৰাত্ৰিৰ তৃতীয় দিনটো মাতৃ চন্দ্ৰঘণ্টাৰ নামত উচৰ্গা কৰা হৈছে। মাতৃ চন্দ্ৰঘণ্টাক উৎসাহ আৰু সাহসৰ দেৱী বুলি গণ্য কৰা হয়। এই দিনটোত ধূসৰ ৰঙৰ বস্ত্ৰ পৰিধান কৰি নিয়ম অনুসৰি চন্দ্ৰঘণ্টা দেৱীক পূজা কৰিব লাগে।
৪) নৱৰাত্ৰিৰ চতুৰ্থ দিন, ১৮ অক্টোবৰ, ২০২৩: নৱৰাত্ৰিৰ চতুৰ্থ দিনত কুষ্মাণ্ডা মাতাৰ পূজা কৰা হয়। এই দিনটোত কমলা ৰঙৰ কাপোৰ পিন্ধি মাতৃ দেৱীক সঠিকভাৱে পূজা কৰিলে অতি শুভ ফল পোৱা যায় বুলি বিশ্বাস কৰা হয়।
৫) নৱৰাত্ৰিৰ পঞ্চম দিন, ১৯ অক্টোবৰ ২০২৩: নৱৰাত্ৰিৰ পঞ্চম দিনা স্কন্দমাতাৰ পূজা কৰা হয়। মাতৃ স্কন্দমাতাক পূজা কৰোতে বগা কাপোৰ পিন্ধিব লাগে বুলি বিশ্বাস কৰা হয়।
৬) নৱৰাত্ৰিৰ ষষ্ঠ দিন, ২০ অক্টোবৰ ২০২৩: নৱৰাত্ৰিৰ ষষ্ঠ দিনা মাতৃ কাত্যয়নীক ৰীতি-নীতি অনুসৰি পূজা কৰা হয়। এই দিনটোত ৰঙা ৰঙৰ কাপোৰ পিন্ধাটো শুভ।
৭) নৱৰাত্ৰিৰ সপ্তম দিন, ২১ অক্টোবৰ, ২০২৩: নৱৰাত্ৰিৰ সপ্তম দিনটো মা কালৰাত্ৰিৰ নামত উৎসৰ্গা কৰা হৈছে। এই দিনটোত নীলা বস্ত্ৰ পৰিধান কৰি মা কলৰাত্ৰীক পূজা কৰিব লাগে।
৮) নৱৰাত্ৰিৰ অষ্টম দিন, ২২ অক্টোবৰ: নৱৰাত্ৰিৰ অষ্টম দিনা মা দুৰ্গাৰ অষ্টম ৰূপ মা মহাগৌৰীক পূজা কৰা হয়। এই দিনটোত গোলাপী ৰঙৰ কাপোৰ পিন্ধি মহাগৌৰীক পূজা কৰিব লাগে।
৯) নৱৰাত্ৰিৰ নৱম দিন, ২৩ অক্টোবৰ ২০২৩: নৱৰাত্ৰিৰ নৱম দিনটো মা দুৰ্গাৰ নৱম ৰূপ মা সিদ্ধিদাত্ৰীক উৎসৰ্গা কৰা হৈছে। এই দিনটোত বেঙুনীয়া ৰঙৰ কাপোৰ পৰিধান কৰিলে শুভ ফল পোৱা যায়।
Leave A Comment