সাৱধান! পতি-পত্নীৰ মাজত সঘনাই লগা কাজিয়াই বিষাক্ত কৰি তোলে সন্তানৰ মন আৰু ভৱিষ্যত

মাক-দেউতাকৰ মাজত দৈনিক কাজিয়া দেখি এদিন শিশুটিয়ে অনুভৱ কৰে যে মানুহৰ মাজত সুন্দৰ সম্পৰ্ক কেতিয়াও স্থাপন হব নোৱাৰে। তেওঁলোকৰ মনত পিতৃ-মাতৃৰ স্থান অৱনমিত হয়। মনোবিজ্ঞানীসকলে আশংকা কৰিছে যে যদি শিশুৱে পিতৃ-মাতৃৰ ভাল সম্পৰ্ক দেখা নাপায়, তেন্তে শিশুটিয়ে পাছলৈ কাকো ভালপোৱা বা বিশ্বাস কৰিব নোৱাৰিব।

শিশুৱে ঘৰত থকাৰ প্ৰতি আগ্ৰহ হেৰুৱাব। ঘৰৰ চুকটোকে তেওঁলোকে নিৰাপদ আশ্ৰয় বুলি ভাবিবলৈ লয়। তেওঁ ঘৰুৱা পৰিবেশৰ পৰা পলায়ন কৰিব বিচাৰে।

পিতৃ-মাতৃৰ মাজৰ বেয়া সম্পৰ্কৰ ফলত সন্তানে নিজৰ ওপৰত বিশ্বাস হেৰুৱাই পেলায়। সেই অৱস্থাত তেওঁৰ আগুৱাই যোৱাৰ পথ ক্ৰমান্বয়ে বন্ধ হৈ পৰে। জীয়াই থকাৰ মোহো হেৰুৱাই পেলায়।

শৈশৱৰ ভাল বেয়া স্মৃতিবোৰ চিৰদিনৰ বাবে আমাৰ লগত থাকে। মনৰ কেমেৰাত পিতৃ-মাতৃৰ সম্পৰ্কৰ চিৰন্তন তিক্ততাৰ স্মৃতিয়ে শিশুটি ডাঙৰ হৈ যোৱাৰ পাছতো গোটেই জীৱনটোক খেদি ফুৰে। গতিকে শিশুটিৰ স্বাৰ্থত পিতৃ-মাতৃ সাৱধান হোৱাটো প্ৰয়োজন। আপোনালোকৰ কাজিয়াৰ কাৰণে যদি আপোনাৰ শিশুটিৰ ভৱিষ্যত নষ্ট হয় তেন্তে সময়ে আপোনাক ক্ষমা নকৰিব। সেয়েহে সন্তানৰ সন্মুখত সদায় আপোনালোকৰ সুন্দৰ মুহূৰ্তবোৰ উলিয়াই আনক...সম্পৰ্কৰ তিক্ততা নহয়।