এই ৮টা লক্ষণে বুজায় আপোনাৰ শৰীৰ সুস্থ হৈ থকা নাই! তুৰন্তে হওঁক সাৱধান

ডিজিটেল ডেস্কঃ আজি বিশ্ব স্বাস্থ্য দিৱস। প্ৰতিবছৰে ৭ এপ্ৰিলত বিশ্ব স্বাস্থ্য দিৱস পালন কৰা হয়। মানুহৰ জীৱনত ৬ প্ৰকাৰৰ প্ৰাথমিক স্বাস্থ্য আছে সেয়া হ'ল শাৰীৰিক, মানসিক, সামাজিক, আৱেগিক, পাৰিপাৰ্শ্বিক আৰু আধ্যাত্মিক স্বাস্থ্য। যদি কাৰোবাৰ এই ৬ টা প্ৰাথমিক স্বাস্থ্য সঠিক হয় তেনেহ'লে তেওঁক স্বাস্থ্যৱান বুলি কোৱা হয়। বিশ্ব স্বাস্থ্য সংস্থাৰ মতে প্ৰতিজন মানুহৰ বাবে সুস্বাস্থ্য অতি গুৰুত্বপূৰ্ণ। ই মানুহক বিভিন্ন ধৰণে সহায় কৰে, কিয়নো স্বাস্থ্যৱান লোকসকলে দীঘলীয়া জীৱন যাপন কৰে আৰু অধিক উৎপাদনশীল হয়। 

পৃথিৱীৰ বহুতো ভয়ানক ৰোগে লাখ লাখ লোকক পীড়িত কৰে। একে সময়তে আজিৰ সময়ত মানুহৰ অস্বাস্থ্যকৰ জীৱনশৈলী আৰু ভুল খাদ্যৰ বাবে বহুতো সমস্যাই দেখা দিয়ে। এই সমস্যাবোৰৰ বাবে প্ৰতিজন মানুহৰ শৰীৰত কিছুমান লক্ষণ দেখা দিবলৈ আৰম্ভ কৰে। শৰীৰত দেখা দিয়া কিছুমান লক্ষণৰ পৰা বুজিব পাৰিব যে আপোনাৰ স্বাস্থ্যৰ অৱনতি ঘটিছে। এনে লক্ষণ দেখিলে তৎক্ষণাৎ সাৱধান হোৱা প্ৰয়োজন। 

১)বিনা কাৰণত ওজন হ্ৰাসঃ আমেৰিকান কেন্সাৰ চছাইটিৰ মুখ্য কৰ্কট নিয়ন্ত্ৰণ বিষয়া ৰিচাৰ্ড ৱেণ্ডাৰৰ মতে যদি আপুনি আপোনাৰ আহাৰ বা ব্যায়াম সলনি নকৰাকৈ ৪ৰ পৰা ৫ কেজি হ্ৰাস কৰিছে তেন্তে ইয়াক পৰীক্ষা কৰা প্ৰয়োজন। হঠাতে ওজন হ্ৰাস হোৱাৰ কাৰণ হ'ব পাৰে অগ্ন্যাশয়, পাকস্থলী, খাদ্যনলী বা হাঁওফাঁওৰ কৰ্কট ৰোগ। গতিকে বিনা কাৰণত ওজন হ্ৰাস হ'লে চিকিৎসকৰ ওচৰলৈ জোৱাটো জৰুৰী। 

২)দাঁত ভাঙি যোৱাঃ আমেৰিকাৰ নৰ্থ কেৰোলিনা স্কুল, এম.ডি.-ৰ গেষ্ট্ৰোইনটেষ্টিনেল (জি.আই.) বিশেষজ্ঞ ইভান ডেলনৰ মতে যিসকল লোকৰ দাঁত বাৰে বাৰে ভাঙে তেওঁলোকৰ এচিড ৰিফ্লাক্সৰ সমস্যা থাকিব পাৰে। এচিডৰ ফলত মানুহৰ দাঁত ভাঙিবলৈ আৰম্ভ কৰে। 

৩) নাক বজোৱাঃ বহুতো মানুহৰ ডাঙৰকৈ নাক বজোৱাৰ অভ্যাস আছে। ডাঙৰকৈ নাক বজোৱাটো এটা লক্ষণ হ'ব পাৰে যে আপুনি সিমান স্বাস্থ্যৱান নহয়।নাক বজোৱা স্লীপ এপনিয়া, অধিক ওজন, হৃদৰোগ, জিইআৰডি (গেষ্ট্ৰোইচোফেজিয়েল ৰিফ্লাক্স ৰোগ) আৰু ষ্ট্ৰোক আদিৰ দৰে বহুতো স্বাস্থ্যৱস্থাৰ সৈতে সম্পৰ্কিত। গতিকে নাক বজোৱাৰ অভ্যাসৰ বিষয়ে চিকিৎসকৰ সৈতে কথা পাতক। 

৪)ছাল পৰিষ্কাৰ নোহোৱাঃ ছালৰ দাগ গুৰুতৰ স্বাস্থ্যৰ লক্ষণ হ'ব পাৰে। যদি কাৰোবাৰ ব্ৰণ, খজুৱতি হয়, তেনেহ'লে শৰীৰত কিছুমান গুৰুতৰ ৰোগ হ'ব পাৰে। উদাহৰণ স্বৰূপে কপালত শালমইনা বেয়া জীৱনশৈলী, কম টোপনি, দুৰ্বল আহাৰৰ ফলত হয়। একে সময়তে থুঁতৰিৰ তলত ব্রণৰ ফলত পাকস্থলীৰ সৈতে সম্পৰ্কিত সমস্যা হয়। গতিকে ইয়াৰ প্ৰতিও মনোযোগ দিয়ক। 

৫)চকু অপৰিস্কাৰঃ যদি কোনোবা স্বাস্থ্যৱান হয় তেন্তে তেওঁৰ চকু বগা দেখায়। কিন্তু যদি আপোনাৰ চকু হালধীয়া দেখা যায়, ই পিত্তথলী, যকৃত, অগ্ন্যাশয় বা পিত্তনলীৰ সমস্যাৰ লক্ষণ হ'ব পাৰে। একে সময়তে ৰঙা চকুও দুৰ্বল স্বাস্থ্যৰ লক্ষণ।  

৬)নখৰ অদ্ভুত ৰংঃ নখবোৰ চাই, বিশেষজ্ঞসকলে আপোনাৰ স্বাস্থ্য কেনে সেয়া ক'ব পাৰে। যদি আপোনাৰ হাত আৰু ভৰিৰ নখৰ আকাৰ, গাঁথনি আৰু ৰং স্বাভাৱিক নহয়, ইয়াৰ অৰ্থ হৈছে আপুনি স্বাস্থ্যৱান নহয়।  কেতিয়াবা ধূমপান আৰু কিছুমান নেইল পলিছেও নখৰ হালধীয়া ৰং সৃষ্টি কৰিব পাৰে। কিন্তু বিশেষজ্ঞসকলে আঙুলিয়াই দিছে যে নখৰ হালধীয়া ৰং দুৰ্বল ৰক্ত সঞ্চালন আৰু তৰলৰ অভাৱৰ বাবে হয়।  

৭)গেছ হোৱাঃ যদি কাৰোবাৰ পেটত বাৰে বাৰে গেছ সৃষ্টি হয়, ইয়াৰ কাৰণ হৈছে তেওঁলোকৰ হজম সঠিক নহয়। একে সময়তে, যদি কোনোবাই দিনে ১০-২০ বাৰ গেছ বাহিৰ কৰে তেন্তে তেওঁ লগে লগে চিকিৎসকৰ ওচৰলৈ যাব লাগে। হয়তো আহাৰত আপুনি এনে কিছুমান খাদ্য গ্ৰহণ কৰি আছে যি গেছৰ সমস্যাৰ সৃষ্টি কৰিছে। যদি আপোনাৰ এই সমস্যা আছে লগে লগে চিকিৎসকৰ ওচৰলৈ যাওঁক।  

৮)সদায় ভাগৰুৱা অনুভৱঃ সদায় ভাগৰুৱা অনুভৱ কৰি থাকিলে শৰীৰত গুৰুতৰ সমস্যাও হ'ব পাৰে। যদি কোনোবাই অধিক কেফেইন সেৱন কৰে বা ভুল জীৱনশৈলী অনুসৰণ কৰে তেনেহ'লে তেওঁ সদায় ভাগৰুৱা হয়। কিন্তু একে সময়তে যদি কোনো কাৰণ নোহোৱাকৈ সদায় ভাগৰ লাগে, তেন্তে এজন চিকিৎসকৰ ওচৰলৈ যাওঁক। হয়তো আপোনাৰ শৰীৰ কোনো ডাঙৰ ৰোগৰো চিকাৰ হ'ব পাৰে যাৰবাবে আপুনি ভাগৰি পৰিছে। এই সমস্যাটো সময়মতে নিৰ্ণয় কৰা প্ৰয়োজন, যাতে সমস্যাটো ভৱিষ্যতে বৃদ্ধি হৈ ডাঙৰ সমস্যা হৈ নপৰে।