• ইটছ বিজনেছ : অধোবায়ু বিক্ৰী কৰি পালে ১৮.৫ লাখ টকা!

    ৰাষ্ট্ৰীয়

    ডিজিটেল ডেস্ক : প্ৰায়সংখ্যক মানুহেই ৰাজহুৱা স্থানত অধোবায়ু ত্যাগ কৰিবলৈ সংকোচ কৰে বা আন কোনোৱে তেনে কৰিলেও অস্বস্তি বোধ কৰে। কিন্তু আশ্চৰ্যজনকভাৱে এগৰাকী মহিলাই প্ৰকাশ কৰিছে কেনেদৰে তেওঁ কেমেৰাত আৱদ্ধ কৰা অধোবায়ু বা পাদৰ ভিডিঅ' পোষ্ট কৰি লাখ লাখ টকা উপাৰ্জন কৰিছে। লাশ্ব ব'টানিষ্ট নামৰ মহিলাগৰাকীয়ে জনায় যে, কোনোবাই তেওঁক অনলাইন পাদিবলৈ কোৱাৰ পাছৰ পৰাই তেওঁ পাদৰ ভিডিঅ' বিক্ৰী কৰিবলৈ আৰম্ভ কৰিছিল।

    স্ব-ঘোষিত 'ইণ্টাৰনেটৰ পাদ ৰাণী'গৰাকীয়ে 'চেনেল ৪'ক কয়, 'মই এই ব্যৱসায়টো তিনি বছৰ ধৰি কৰি আছোঁ। মই বাৰে বাৰে অনুৰোধ পাই থাকিলোঁ… মই ভাবিলোঁ, মানুহে মোক পইছা দিব আৰু মই এইটো কৰিবলৈ গৈ আছোঁ।' লাশ্বে লগতে জনায় যে, তেওঁ উন্নত মানৰ পাদ লাভ কৰিবলৈ খাদ্যাভ্যাসো সলনি কৰি লৈছিল। প্ৰতিটো অধোবায়ুৰ বাবে তেওঁ ১৭৫ ডলাৰলৈ দাবী কৰিব পাৰে।

    এদিনত তেওঁ সৰ্বাধিক উপাৰ্জন কৰা ধনৰাশিৰ পৰিমাণ প্ৰায় ৪,০০০ ডলাৰ। এতিয়ালৈ লাশ্বে ২৫,০০০ ডলাৰতকৈ অধিক ধন উপাৰ্জন কৰিছে যাৰ ভাৰতীয় মূল্য প্ৰায় ১৮.৫ লাখ টকা। ভাল শব্দ ওলাবলৈ তেওঁ মাইক্ৰ'ফোনৰ আগত অধোবায়ু এৰে। পাদবোৰ বিভিন্ন টেমাত আৱদ্ধ কৰি গ্ৰাহকলৈ পঠিয়াই লাশ্বে এই ব্যৱসায়টো আৰু এখোপ বঢ়াইছে।

    Weather Forecast