• উত্তৰ প্ৰদেশৰ প্ৰাক্তন মুখ্যমন্ত্ৰী কল্যাণ সিঙৰ দেহাৱসান

    ৰাষ্ট্ৰীয়

    নতুন দিল্লী : দীঘলীয়া অসুস্থতাৰ পাছত জীৱনাৱসান ঘটিল উত্তৰপ্ৰদেশৰ প্ৰাক্তন মুখ্যমন্ত্ৰী কল্যাণ সিঙৰ। ছেপছিছ আৰু শৰীৰৰৰ একাধিক অংগ বিকল হৈ পৰাৰ ফলতে জ্যেষ্ঠ ৰাজনীতিকজনৰ মৃত্যু হয়। শনিবাৰে নিশাৰ ভাগত তেওঁৰ মৃত্যু হয়। মৃত্যুৰ সময়ত তেওঁ বয়স হৈছিল ৮৯ বছৰ। সঞ্জয় গান্ধী পোষ্ট গ্ৰেজুৱেট ইনষ্টিটিউট অব মেডিকেল ছাইন্সেজৰ আইচিইউত তেওঁ দীঘলীয়া সময় ধৰি চিকিতসাধীন হৈ আছিল।

    ৪জুলাইতে তেওঁক চিকিতসালয়খনত ভৰ্তি কৰোঁৱা হৈছিল। শুকুৰবাৰে তেওঁ অৱস্থাৰ অধিক অৱনতি ঘটে। কল্যাণ সিঙৰ মৃত্যুত গভীৰ শোক প্ৰকাশ কৰিছে প্ৰধানমন্ত্ৰী নৰেন্দ্ৰ মোদীয়ে। এটা টুইটত তেওঁ কল্যাণ সিঙৰ অৱদানৰ কথা স্মৰণ কৰে। তেওঁ লিখিছে সমাজৰ অৱহেলিত স্তৰৰ অসংখ্য লোকক কণ্ঠ দিছিল কল্যাণ সিঙে।

    যুৱ সমাজ, কৃষক আৰু মহিলাৰ সৱলীকৰণৰ বাবে তেওঁ বিশেষ পদক্ষেপ গ্ৰহণ কৰিছিল বুলিও মোদীয়ে টুইটটোত উল্লেখ কৰে। উত্তৰপ্ৰদেশৰ মুখ্যমন্ত্ৰী যোগী আদিত্যনাথেও সিঙৰ মৃত্যুত গভীৰ শোক প্ৰকাশ কৰিছে। সিং দুবাৰলৈ উত্তৰ প্ৰদেশ মুখ্যমন্ত্ৰী হোৱাৰ লগতে, ৰাজস্থানৰ ৰাজ্যপালৰূপেও সেৱা আগবঢ়াইছিল।

    Weather Forecast