প্ৰতিষেধকে ১১গুণ হ্ৰাস কৰে ক’ভিডত মৃত্যুৰ আশংকা

• Image Credit: Internet

• Sep 11, 2021 | moderator

ৱাশ্বিংটন : ক’ভিড যুঁজত বিশ্বৰ হাতত থকা একমাত্ৰ অস্ত্ৰ হিচাপে বিবেচিত হৈছে টিকাকৰণ। বিশ্বজুৰি ক’ভিডৰ টিকাকৰণ অভিযান অব্যাহত আছে। তাৰ মাজতে এতিয়া এই প্ৰতিষেধকৰ কাৰ্যকৰিতা সন্দৰ্ভতো চলিছে গৱেষণা। শেহতীয়া এক অধ্যয়নত ক’ভিড প্ৰতিষেধকৰ কাৰ্যকৰিতা সন্দৰ্ভত আশাপ্ৰদ তথ্য প্ৰকাশ পাইছে। এই অধ্যয়ন অনুসৰি সম্পূৰ্ণৰূপে টিকাকৰণ কৰা লোক ক’ভিডত আক্ৰান্ত হ’লেও তেওঁলোকৰ মৃ্ত্যুৰ আশংকা ১১গুণ কম হয়।

একেদৰে টিকা গ্ৰহণ নকৰা লোকৰ তুলনাত তেওঁলোক সম্পূৰ্ণ টিকাকৰণ কৰা লোক আক্ৰান্ত হ’লেও তেওঁলোক চিকিৎসাধীন হ’বলগীয়া হোৱাৰ আশংকা ১০ শতাংশ হ্ৰাস পায়। মাৰ্কিন স্বাস্থ্য বিভাগে শুকুৰবাৰে এই তথ্য সদৰি কৰিছে। চেণ্টাৰ ফৰ ডিজিজ কণ্ট্ৰ’ল এণ্ড প্ৰিভেনচন-এ প্ৰকাশ কৰা তিনিখন গৱেষণা পত্ৰৰ ভিতৰত এখনত এই তথ্য প্ৰকাশ পাইছে।

সংক্ৰমণৰ ভয়াৱহতাৰ মাজত ক’ভিড প্ৰতিষেধকৰ কাৰ্যকৰিতা সন্দৰ্ভত এই অধ্যয়ন চলোৱা হৈছিল। এটা অধ্যয়নত প্ৰকাশ পাইছে যে, মডাৰ্নাৰ ক’ভিড প্ৰতিষেধকে ডেল্টা সংক্ৰমণৰ বিৰুদ্ধে অধিক কাৰ্যকৰী ভূমিকা গ্ৰহণ কৰা বুলি প্ৰকাশ পাইছে।