১৫ বছৰ লিভ-ইনত থকাৰ পাছত এইজন লোকে বিয়া পাতিলে তিনি প্ৰেমিকাক! সন্তান হ'ল বৰযাত্ৰী

প্ৰেমিকগৰাকীয়ে যোৱা ১৫ বছৰ ধৰি তিনিগৰাকী প্ৰেমিকাৰ সৈতে লিভ-ইন সম্পৰ্কত বাস কৰি আছিল। তেওঁলোকৰ ৬টা সন্তানো আছে। প্ৰেমিক দৰাজনে কৈছিল যে ১৫ বছৰ আগতে তেওঁ দৰিদ্ৰ আছিল, ধনৰ অভাৱত তেওঁ বিয়া কৰোৱা নাছিল।এই প্ৰেমিকজনৰ নাম সমৰথ মৌৰ্য। সমৰথ তিনিগৰাকী যুৱতীৰ প্ৰেমত পৰিছিল, যাৰবাবে তেওঁ তিনিওকে ঘৰলৈ লৈ আহিছিল আৰু স্বামী আৰু পত্নীৰ দৰে একেলগে থাকিবলৈ আৰম্ভ কৰিছিল। 

তিনিওগৰাকী মহিলাৰ ফালৰ পৰা সমৰথ মৌৰ্যৰ ছয়টা সন্তান আছে। প্ৰায় ১৫ বছৰ লিভ-ইনত থকাৰ পাছত সমৰথে তিনিওগৰাকী মহিলাৰ সৈতে বিবাহপাশত আৱদ্ধ হয়। এই বিয়াখনক লৈ তেওঁৰ পৰিয়াল আৰু সন্তান যথেষ্ট সুখী হৈ পৰে। বিয়াৰ কাৰ্ডখনত এফালে দৰাৰ নাম ছপা কৰা হৈছিল, আনফালে তেওঁৰ তিনিগৰাকী প্ৰেমিকাৰ নাম ছপা কৰা হৈছিল। উল্লেখ্য যে সমৰথ নানপুৰ অঞ্চলৰ গাঁওবুঢ়াও হয়।এই অঞ্চলটো জনজাতীয় অধ্যুষিত অঞ্চল। জনজাতীয় ভিলালা সমাজত যুৱক-যুৱতীসকলক বিয়া নোহোৱাকৈ থাকিবলৈ আৰু বিয়া নোহোৱাকৈও সন্তান জন্ম দিবলৈ অনুমতি দিয়া হয়। কিন্তু  এটা পৰম্পৰাও আছে যে বিবাহ নোহোৱা দম্পতীসকলক সমাজৰ কোনো শুভ কামৰ অংশ হ'বলৈ দিয়া নহয়। 

বৰ্তমান সময়ত সমৰথ মৌৰ্য আৰু তেওঁৰ তিনি পত্নীয়ে সমাজৰ যিকোনো শুভ কাৰ্যত অংশ লোৱাৰ অনুমতি লাভ কৰিলে। ভাৰতীয় সংবিধানৰ ৩৪২ নং অনুচ্ছেদে জনজাতীয় ৰীতি-নীতি আৰু নিৰ্দিষ্ট সামাজিক পৰম্পৰাক সুৰক্ষিত কৰি ৰাখিছে। সংবিধান অনুসৰি সমৰথ মৌৰ্যৰ একে সময়তে তিনিগৰাকী কইনাৰ সৈতে বিবাহ আইনীভাৱে বৈধ বুলি গণ্য কৰা হৈছে।