মহাশিৱৰাত্ৰীৰ পূৰ্বে এক অলৌকিক ঘটনা! প্ৰথমে দেখা গ’ল এদ’ম সাপ,খননৰ পাছত উদ্ধাৰ এক ফুটৰ শিৱলিংগ

আচলতে এই ঘটনা হাপুৰৰ বাবুগড় অঞ্চলৰ ৰাছুলপুৰ গাঁৱৰ। স্থানীয় ৰাইজে যেতিয়া ৰাসুলপুৰ গাঁৱত অৱস্থিত এখন হাবিত মাটিত এদ’ম সাপৰ দল দেখা পাইছিল, তেতিয়া গাঁওখনত বিভিন্ন ধৰণৰ আলোচনা হ’বলৈ ধৰিলে। ইফালে সাপ পোৱা ঠাইখন খনন কৰাৰ সময়ত তাত প্ৰায় এক ফুটৰ শিৱলিংগ উদ্ধাৰ হয়।

গাঁওখনত খননৰ সময়ত শিৱলিংগ পোৱাৰ খবৰটো বনজুইৰ দৰে বিয়পি পৰিল।শিৱলিংগ পূজা আৰু দুগ্ধ স্নান কৰিবলৈ দূৰ-দূৰণিৰ পৰা ভক্তৰ বিপুল সমাগম ঘটিছে ।

বাবুগড়ৰ ৰাছুলপুৰ গাঁৱৰ বাসিন্দা ৰাজেন্দ্ৰ সিঙে জনোৱা মতে, বৃহস্পতিবাৰে (২০ ফেব্ৰুৱাৰী) পুৱা তেওঁ মাত্ৰ দৈনন্দিন কাম-কাজৰ বাবে ওলাই আহে, তেতিয়াই গাঁৱৰ এটা ঠাইত মাটিত একেলগে সাপৰ দ’ম এটা দেখি এই বিষয়ে তেওঁ গাঁৱৰ মানুহক অৱগত কৰাত বৃহৎ সংখ্যক গাঁৱৰ মানুহ তাত সমবেত হয় আৰু তাৰ পৰা সাপ খেদি মাটি টুকুৰা খান্দিবলৈ আৰম্ভ কৰে।

ৰাজেন্দ্ৰ সিঙে কয় যে খননৰ সময়ত মাটিৰ তলৰ পৰা এটা শিৱলিংগ উদ্ধাৰ কৰা হৈছে। শিৱলিংগ পোৱাৰ পাছত বৃহৎ সংখ্যক ভোলে বাবাৰ ভক্তৰ গাঁওখনলৈ আগমনি ঘটিছে।

উল্লেখ্য যে, এইবাৰ মহাশিৱৰাত্ৰি ২৬ ফেব্ৰুৱাৰীত। প্ৰতি বছৰে ফাগুন মাহৰ কৃষ্ণ পক্ষৰ চতুৰ্দশত মহাশিৱৰাত্ৰি পালন কৰা হয়। মহাশিৱৰাত্ৰিক হিন্দু ধৰ্মৰ অন্যতম গুৰুত্বপূৰ্ণ উৎসৱ হিচাপে গণ্য কৰা হয়। এই দিনটোত বৃহৎ সংখ্যক ভক্তই ভগৱান শিৱক পূজা কৰে।

এনে পৰিস্থিতিত মহাশিৱৰাত্ৰিৰ পূৰ্বে হাপুৰৰ বাবুগড় অঞ্চলত শিৱলিংগৰ আৱিষ্কাৰ চৰ্চাৰ বিষয় হৈ পৰিছে। স্থানীয় ৰাইজে এই ধৰণে শিৱলিংগৰ আৱিষ্কাৰক এক শুভ লক্ষণ হিচাপে বিবেচনা কৰিছে।