ডিজিটেল ডেস্কঃ আন্তঃৰাষ্ট্ৰীয় নাৰী দিৱস দিৱস উপলক্ষে ২০২৪ চনৰ ৮ মাৰ্চত কেডলিনে এক বৃহৎ পদক্ষেপ হাতত লৈছিল। নাৰী দিৱসৰ দিনাই মহিলাসকলক লগত লৈ এক ৰপ্তানি প্ৰকল্প আৰম্ভ কৰা হৈছিল। মহিলাৰ উদ্যোগত চাহ, মছলা আৰু ছুপাৰ ফুডযুক্ত বহু সামগ্ৰী ওমানৰ মাস্কাটত উপস্থিত হয়। উত্তৰ-পূব ভাৰতক ৰপ্তানি হাব হিচাপে গঢ়ি তোলাত মহিলাসকলৰ উল্লেখযোগ্য ভূমিকাক উজ্জ্বল কৰি কেডলিনে আন্তঃৰাষ্ট্ৰীয় মহিলা দিৱসৰ বিশেষ ৰপ্তানি প্ৰকল্পত বিনিয়োগ কৰিছে।
উত্তৰ-পূব ভাৰতৰ পৰা অহা মছলাৰ পৰীক্ষামূলক ৰপ্তানিত মেঘালয়ৰ জয়ন্তীয়া পাহাৰত পোৱা লাকাডং হালধি আছিল। ইয়াত কাৰকুমিনৰ পৰিমাণ বেছি হোৱাৰ লগতে স্বাস্থ্যজনিত কেইবাটাও উপকাৰিতাৰ বাবে ইয়াক বিশ্বৰ শ্ৰেষ্ঠ হালধি বুলি জনা যায়। এই হালধিবিধ মিহা ট্ৰেডিঙৰ মহিলা উদ্যোগী মনালিছা বৰুৱাৰ নেতৃত্বত এটা প্ৰকল্পৰ জৰিয়তে প্ৰক্ৰিয়াকৰণ কৰা হৈছিল। এইবোৰৰ বাহিৰেও ৰপ্তানিত আছিল অসমৰ সেউজীয়া চাহ গোলাপ,জেছমিন,কেমোমিল,ক'লা চিটিচি উচ্চ উৎপাদিত চাহ আৰু অসমৰ সোৱাদযুক্ত চাহ।
শ্বিপমেণ্টত মাখানা ‘ফক্স নাট’ও আছিল, যিটো ছুপাৰ ফুড বুলি জনা যায়। এই মাখানা হৈছে ভাৰতীয় প্ৰাচীন খাদ্য। প্ৰাগঐতিহাসিক কালৰে পৰা ভাৰতৰ বিহাৰ ৰাজ্যত ইয়াৰ খেতি কৰা হয়। মাখানা, ইয়াৰ বিভিন্ন পুষ্টি আৰু নিৰাময় গুণৰ বাবে অত্যন্ত উপকাৰী। উচ্চ ৰক্তচাপ, হৃদৰোগ, ডায়েবেটিছ, আৰু মেদবহুলতাত আক্ৰান্তসকলৰ বাবে উপযোগী। ইয়াত এণ্টি এজিং এনজাইমো থাকে বুলি জনা যায়। এই ৰপ্তানি সামগ্ৰী প্ৰকল্পৰ নেতৃত্বত আছিল অসমৰ গুৱাহাটী ডন বস্কোৰ এগৰাকী কলেজীয়া ছাত্ৰী অন্বেষা যাদৱ।
এই এয়াৰ কাৰ্গোৰ চালান আৰু লজিষ্টিক কলকাতাৰ পৰা চম্ভালিছিল কলকাতাৰ ছিশ্বেল লজিষ্টিকছৰ মহিলা সদস্য অনমিকা শৰ্মা আৰু তেওঁৰ গুৱাহাটী দলৰ সদস্য অবিনাশ দাসে ।ৰপ্তানি কাগজ-পত্ৰৰ আনুষ্ঠানিকতা আৰু প্ৰমাণপত্ৰৰ কাম চম্ভালিছিল গুজৰাটৰ প্ৰেকটিচিং কোম্পানীৰ সচিব স্বাতী আগৰৱালাই ।
ওমানত এই চালানটো ওমানৰ এডাম ৱেভছে আমদানি কৰিছিল আৰু প্ৰকল্পটোৰ নেতৃত্ব দিছিল কোম্পানীটোৰ মুখ্য সদস্য Mr Nasser Seif Al Mahrooqi আৰু Mr Shamis Seif Al Mahrooqiৰ সৈতে মেডাম জোখা ছেইফ আল মাহৰুকীয়ে। ক্লায়েণ্টসকলে উত্তৰ-পূব ভাৰতৰ থলুৱা সামগ্ৰীসমূহ আনবক্স কৰিবলৈ উৎসাহিত হৈছিল। '
কেডলিনেও ৰপ্তানি আমদানি আৰু ক্ৰছ ট্ৰেডিং সেৱা দুয়োটাৰে বাবে মাস্কাট ওমানত তেওঁলোকৰ প্ৰথমটো আন্তঃৰাষ্ট্ৰীয় কাৰ্যালয় আৰম্ভ কৰিছে। চাহ ব’ৰ্ড, স্পাইচ ব’ৰ্ড, এপেডা, এফআইইঅ’ আৰু আন কেইবাটাও সংস্থাৰ সহায়ৰ বাবে কেডলিনে কৃতজ্ঞতা প্ৰকাশ কৰিছে।
উল্লেখ্য যে KADlien এ বিশ্বৰ ছাত্ৰ-ছাত্ৰী, পেছাদাৰী, গৃহিণী, আৰু যুৱ উৎসাহী মনকে ধৰি সমাজৰ প্ৰতিটো শ্ৰেণীক তেওঁলোকৰ প্লেটফৰ্মত যোগদান কৰিবলৈ আৰু বিশ্ব বাণিজ্যত অৰিহণা যোগাবলৈ উৎসাহিত কৰে।
সৱিশেষ জানিবলৈ যোগাযোগ কৰক
Dr A K Das
KADlien
Contact details:
www.kadlien.in
Contact@kadlien.com
Phone : +91 8753 933408
Leave A Comment