‘বুঢ়ী আইৰ সাধু’ক আৰবী স্পেনিছ ভাষালৈ অনুবাদ দুই অসম সন্তানৰ

বিশ্বৰ সাহিত্যপ্রেমীসকলৰ কাষলৈ অনুবাদ গ্ৰন্থখন লৈ যোৱাৰ বাবে মিছৰৰ দৰ আল-মাশ্রিয়া আল-মাঘ্ৰিবিয়া লিল-নছৰ ৱাল-তাউজি ইন কাইৰো প্ৰকাশনে প্রকাশ কৰিছে। গ্রন্থখন ইতিমধ্যে বিশ্বৰ সাহিত্যপ্রেমীসকলৰ বাবে উপলব্ধ হৈছে।উল্লেখযোগ্য যে মৌলানা আবু ছাইদ আনছাৰিৰ এই প্ৰচেষ্টা কেৱল প্রশংসনীয়ই নহয়, বৰং সাম্প্রতিক সময়ত অসমীয়া সাহিত্যৰ বিশ্বজোৰা প্ৰচাৰ আৰু প্ৰসাৰৰ ক্ষেত্ৰত এক মাইলৰ খুঁটি হিচাপে গণ্য হৈছে। 

তেওঁৰ এই কামৰ জৰিয়তে অসমীয়া সাহিত্যৰ এক উৎকৃষ্ট ফচল হিচাপে পৰিচিত বুঢ়ী আইৰ সাধু গ্রন্থখন এতিয়া বিশ্বৰ প্ৰায় ৫৬ খন আৰবীভাষী দেশৰ পাঠকৰ কাষ পাবলৈ সক্ষম হৈছে। প্রণিধানযোগ্য যে আৰবী ভাষাৰ উপৰি শেহতীয়াকৈ বুঢ়ী আইৰ সাধু গ্ৰন্থখন স্পেনিছ ভাষালৈয়ো অনুবাদ হৈছে। তিনিচুকীয়া জিলাৰ ডুমডুমাৰ যুৱ লেখক তন্ময় সোণোৱালে গ্রন্থখন স্পেনিছ ভাষালৈ অনুবাদ কৰাৰ তথ্য পোৱা গৈছে।

উৎসঃ দৈনিক জনমভূমি