লেণ্ডাৰ বিক্ৰমে আৰম্ভ কৰিলে কামঃ চন্দ্ৰত অৱতৰণৰ কৰিয়েই প্ৰেৰণ কৰিলে বিশ্ববাসীয়ে কেতিয়াও নেদেখা প্ৰথম খন ছবি

বিক্ৰমে প্ৰেৰণ কৰা প্ৰথম ছবিখনত লেণ্ডাৰৰ ছাঁ দেখা গৈছে। বিক্ৰমে চন্দ্ৰৰ প্ৰায় ৭০.৮ ডিগ্ৰী দক্ষিণ অক্ষাংশত মানজিনাছ চি আৰু চিম্পেলিয়াছ এন ক্ৰেটাৰৰ মাজৰ এটা উচ্চ ভূমিত অৱতৰণ কৰিছে। ২২ জুলাই, ২০১৯ ত ইছৰোৱে আৰম্ভ কৰা চন্দ্ৰযান-২ অভিযানৰ বাবে বাছনি কৰা হৈছিলএকেই স্থান। অৱশ্যে চন্দ্ৰযান-২ ৰ লেণ্ডাৰে সেই স্থানত অৱতৰণ কৰাৰ পিছতে ধ্বংসপ্ৰাপ্ত হৈছিল।  চন্দ্ৰযান-২ৰ পিছৰ  মিছন হিচাপে শ্ৰীহৰিকোটাৰ সতীশ ধাৱান মহাকাশ কেন্দ্ৰৰ পৰা ১৪ জুলাইত চন্দ্ৰযান-৩ অভিযান আৰম্ভ কৰা হৈছিল। 

চন্দ্ৰযান-২ অভিযান আংশিকভাৱে সফল হৈছিল।  কিয়নো ইছৰোৱে চন্দ্ৰৰ কক্ষপথত এটা অৰ্বিটাৰ স্থাপন কৰিবলৈ সক্ষম হৈছিল। এই অৰ্বিটাৰটো বিক্ৰম লেণ্ডাৰৰ সৈতে সংযুক্ত কৰা হৈছিল আৰু ইয়াক অভিযানটোৰ সমগ্ৰ জীৱনকালত তথ্য সংগ্ৰহ কৰিবলৈ ব্যৱহাৰ কৰা হ'ব।   ইছৰোৱে ভাৰতীয় সময় অনুসৰি নিশা ৮:১৭ বজাত নিশ্চিত কৰে  যে বিক্ৰম লেণ্ডাৰক মিছন অপাৰেচন চেণ্টাৰ আৰু বাংগালুৰুৰ ইছৰো টেলিমেট্ৰি, ট্ৰেকিং এণ্ড কমাণ্ড চেণ্টাৰ (এমঅ'এক্স-ইষ্ট্ৰাক)ৰ সৈতে সংযুক্ত কৰা হৈছে। 

এনেবোৰ কেন্দ্ৰৰ পৰাই   লেণ্ডাৰ বিক্ৰমৰ  অৱতৰণৰ পিছত ভেলোচিটি কেমেৰাৰ দ্বাৰা বন্দী কৰা ছবিবোৰো ৰাজহুৱা  কৰা হৈছে। লেণ্ডাৰ বিক্ৰমৰ পৰাই ওলাই আহি প্ৰজ্ঞানে চন্দ্ৰ  তথ্য সংগ্ৰহ কৰিব।