কাৰোৱাৰ মূৰতে খুন্দা মাৰিব নেকি মহাকাশৰ পৰা খহি পৰা উপগ্ৰহই! সম্ভাৱনাৰ কথা নুই নকৰাকৈ কি ক’লে নাছাই?

কিন্তু সতৰ্ক হ’বলগীয়া কিবা কথা আছে  নেকি? নাছাই ইয়াৰ উত্তৰ কৈছে-ভয় খাবলগীয়া একো নাই৷   নাছাৰ মতে উপগ্ৰহটোৰ ধ্বংসাৱশেষ কাৰোবাৰ মূৰত ভাঙি পৰাৰ সম্ভাৱনা ৯,৪০০ ৰ ভিতৰত ১ হে! গতিকে এ দুৰ্ঘটনাৰ সম্ভাৱনা তেনেই ক্ষীণ। তদুপৰি ৫,৪০০ পাউণ্ড বা ২,৪৫০ কিলোগ্ৰাম উপগ্ৰহৰ বেছিভাগ মাটিত পৰাৰ আগতে জ্বলি  ছাই হৈ যোৱাৰ সম্ভাৱনাই বেছি বুলিও নাছাই কৈছে৷সেয়ে নাছাৰ কৃত্ৰিম উপগ্ৰহটোৱে পৃথিৱীৰ পৃষ্ঠত আঘাত কৰিব পৰাৰ সম্ভাৱনা  অতি কম।

উপগ্ৰহটো প্ৰকৃততে ক'ত পৰিব  পাৰে? বিজ্ঞানীসকলে কৈছে যে নাছাৰ পৰিত্যক্ত উপগ্ৰহটো আফ্ৰিকা, এছিয়া, মধ্য প্ৰাচ্য বা উত্তৰ আৰু দক্ষিণ আমেৰিকাৰ পূব বা পশ্চিমৰ কোনো ঠাইত খহি পৰিব। উল্লেখ্য ইবিআৰএছ নামৰ কৃত্ৰিম উপগ্ৰহটো ১৯৮৪ চনত উৎক্ষেপণ কৰা হৈছিল। উপগ্ৰহটোৱে ২০০৫  চনলৈ কাম কৰি আছিল। ইবিআৰএছে নিয়মীয়াকৈ অ'জন স্তৰৰ বিষয়ে তথ্য প্ৰেৰণ কৰি আহিছিল৷