আইপিএলঃ ১৫ মাহৰ খেলপথাৰত নামিয়ে পৰাজয়ৰ সন্মুখিন ঋষভ, সাৱলীল বেটিঙেৰে দিল্লীক হৰুৱালে পঞ্জাৱে

পঞ্জাৱৰ অধিনায়ক শিখৰ ধাৱনে টছত জয়লাভ কৰি প্ৰথমে বলিং কৰাৰ সিদ্ধান্ত লয়। অৱশ্যে তেওঁৰ পৰিকল্পনাৰ বিপৰীতে গৈ দিল্লীৰ দুজন অ’পেনাৰ ডেভিদ ৱাৰ্নাৰ আৰু মিচেল মাৰ্ছে ভাল আৰম্ভণি কৰে। আৰম্ভণিৰে পৰাই অষ্ট্ৰেলিয়ান দুগৰাকীয়ে ডাঙৰ ডাঙৰ শ্বট খেলিছিল। তেওঁলোকে পাৱাৰ প্লে ব্যৱহাৰ কৰি আছিল। প্ৰথম ৩ অভাৰত ৩৫ ৰান। দিল্লীক প্ৰথম আঘাত দিলে আৰ্শদীপ সিঙে। তেওঁ মাৰ্ছক ২০ ৰানত আউট কৰে।

যদিও মাৰ্ছ আউট হৈছিল ৱাৰ্নাৰে শ্বাই হোপৰ সৈতে দ্ৰুত ৰান কৰিছিল। দিল্লীক দ্বিতীয়টো আঘাত দিলে হৰ্শল পেটেলে। ২৯ ৰানৰ অন্তত তেওঁ ৱাৰ্নাৰক আউট কৰে। ৩৩ ৰান কৰে ছাই হোপে। ৱাৰ্নাৰক আউট হোৱাৰ পিছতে বেটিং কৰিবলৈ খোজ দিছিল পান্থে। পান্থে ১৮ ৰান সংগ্ৰহ কৰি হৰ্ষলে আউট কৰে। অক্ষৰ পেটেলে ২১ ৰান সংগ্ৰহ কৰে। বৰ্খাস্ত হোৱাৰ পিছত দিল্লীয়ে অভিষেকক ইমপেক্ট প্লেয়াৰ হিচাপে খেলায়। ১০ বলৰ ইনিংছত ৩২ ৰান সংগ্ৰহ কৰে। তেওঁ চাৰিটা বাউণ্ডেৰী আৰু দুটা ছয় কৰে। 

পঞ্জাৱৰ অ’পেনাৰ দুগৰাকী ধাৱন আৰু জনী বেয়াৰষ্টোৱে দূৰ্দান্ত বেটিং আৰম্ভ কৰে। প্ৰথম অভাৰত ১৭ ৰান। দীৰ্ঘদিন ধৰি জাতীয় দলৰ পৰা আঁতৰি থকা ধাৱনক সাৱলীল দেখা গৈছিল। ইশান্ত শৰ্মাই পঞ্জাৱক প্ৰথম শ্বক দিলে। তেওঁ ধাৱনক ২২ ৰান কৰি ঘূৰাই আনে। সেই অভাৰত ঈশান্তে বেয়াৰষ্ট’ক ৰান আউট কৰে। পিছত আঘাতপ্ৰাপ্ত হয় ঈশান্ত। ২ অভাৰত বলিং কৰি তেওঁ আতৰিব লগা হয়।

কুলদীপ যাদৱে বলিং কৰিবলৈ আহি প্ৰভাসিমৰন সিং আৰু জিতেশ শৰ্মাক আউট কৰে। অৱশ্যে পঞ্জাৱৰ জয়ৰ কোনো সমস্যা নাছিল। দুই বিদেশী ছেম কাৰাণ আৰু লিয়াম লিভিংষ্টনে দলটোক জয়ৰ দিশে আগুৱাই লৈ যায়। দিল্লীৰ বাকী বলাৰসকলে এই স্থান দখল কৰিবলৈ ব্যৰ্থ হয়। বিশেষকৈ খলিল আহমেদ আৰু মিচেল মাৰ্ছে বহু ৰান দিয়ে। কেৰেনে অৰ্ধ শতক অৰ্জন কৰে। ৪৭টা বলত ৬৩ ৰান সংগ্ৰহ কৰি আউট হয়। শেষত পঞ্জাবে ৪ উইকেটত জয়লাভ কৰে। লিভিংষ্টনে ৩৮ ৰানত অপৰাজিত হৈ থাকে।