টি২০ বিশ্বকাপঃ ক্ৰিকেটেই একমাত্ৰ সুখৰ উৎস আফগানসকলৰ বাবে! অষ্ট্ৰেলিয়াক হৰুৱাই অনুভৱ ৰছিদ খানৰ

আফগানিস্তানত তালিবান ক্ষমতালৈ অহাৰ পিছৰে পৰা ছোৱালীৰ শিক্ষা আৰু ক্ৰীড়াৰ অধিকাৰ কৰ্তন কৰা হৈছে। ইয়াৰ প্ৰতিবাদত অষ্ট্ৰেলিয়াই আফগানিস্তানৰ বিৰুদ্ধে দ্বিপাক্ষিক শৃংখলা খেলাৰ সিদ্ধান্ত লৈছে। চলিত বৰ্ষৰ আৰম্ভণিতে টি-২০ শৃংখলাও বাতিল কৰিছিল।

অষ্ট্ৰেলিয়াক পৰাস্ত কৰাৰ পাছত ৰছিদে কয়, ‘আমি ক্ৰীড়াবিদ। ক্ৰীড়া ভাল পাওঁ দেশৰ মানুহেও খেলা-ধূলা ভাল পায়। ক্ৰিকেট দেশবাসীৰ বাবে একমাত্ৰ সুখৰ উৎস। আফগানিস্তানৰ মানুহে উদযাপন কৰিব পৰা একমাত্ৰ খেল। যদি আমি সেই সুখ কাঢ়ি লওঁ, তেন্তে আফগানিস্তানৰ বাবে কি বাকী থাকিব নাজানো।’

ৰছিদে লগতে কয়, ‘এতিয়া পৃথিৱীৰ যিকোনো ঠাইলৈ গৈ আফগানিস্তানৰ বুলি ক’লে মানুহে কোনোবা ক্ৰিকেটাৰৰ নাম শুদ্ধকৈ ক’ব পাৰিব। যদি আপুনি আমাৰ একমাত্ৰ সুখৰ উৎস কাঢ়ি নিবলৈ চেষ্টা কৰে তেন্তে আমাৰ বাবে বহুত দুখৰ বিষয় হ’ব।”

ৰছিদে কয় যে দেশৰ শাসন ব্যৱস্থাৰ ওপৰত তেওঁলোকৰ কোনো নিয়ন্ত্ৰণ নাই। ইচ্ছা কৰিলেও একো কৰিব নোৱাৰে। ৰছিদে কয়- ‘‘আমি যদি সমাধান পাওঁ তেন্তে আমি বহুত সুখী হ’ম। দুৰ্ভাগ্যজনকভাৱে নহয়। ৰাজনীতিৰ বিষয়ে একো নাজানো। মোৰ ভালো নালাগে। যদি আমি বিশ্বকাপত খেলিব পাৰো, তেন্তে দ্বিপাক্ষিক শৃংখলাত ক’ত সমস্যা?”