ডিজিটেল ডেস্কঃ ক্ৰিকেট বিশ্বকাপৰ ভাৰত বনাম নিউজিলেণ্ডৰ খেলখনে ফুটবল বিশ্বকাপৰ ফাইনেলক উধাই যায়। বিৰাট কোহলী, ৰোহিত শৰ্মাই লিয়নেল মেছি, কাইলিয়ান এমবাপেক পৰাস্ত কৰে। চলিত বিশ্বকাপত ডিজিটেল মাধ্যমৰ জৰিয়তে ভাৰত-নিউজিলেণ্ডৰ খেলখন চোৱা দৰ্শকৰ সংখ্যাই পূৰ্বৰ সকলো অভিলেখ ভংগ কৰিছে।
ডিজনী প্লাছ হটষ্টাৰত ডিজিটেল মাধ্যমেৰে সম্প্ৰচাৰ কৰা হৈছে ক্ৰিকেট বিশ্বকাপ। দেওবাৰে হটষ্টাৰত ভাৰত-নিউজিলেণ্ডৰ খেলখন চালে ৪ কোটি ৩০ লাখ দৰ্শকে, যিটো এতিয়ালৈকে সৰ্বাধিক। ২০২২ চনত ১৮ ডিচেম্বৰত ফুটবল বিশ্বকাপৰ ফাইনেল আছিল। ফ্ৰান্সে আৰ্জেণ্টিনাৰ বিৰুদ্ধে খেলিছিল। জিঅ’ চিনেমাছত এই প্ৰতিযোগিতাখন টেলিকাষ্ট কৰা হৈছিল। মেছি-ম্বাপেৰ ফাইনেলত ৩ কোটি ২০ লাখ দৰ্শকে চাইছিল।
ইয়াৰ পূৰ্বে ভাৰত-পাকিস্তানৰ মেচখনেও ফুটবল বিশ্বকাপৰ ফাইনেলত ছাঁ পেলাইছিল। হটষ্টাৰত ভাৰত-পাকিস্তানৰ খেলখন চালে ৩ কোটি ৫০ লাখ দৰ্শকে। ভাৰত-নিউজিলেণ্ডৰ খেলখনে সেই সকলোবোৰ অভিলেখ অতিক্ৰম কৰিলে।
Leave A Comment